بِسْمِ اللهِ الرَّحْمٰنِ الرَّحِيمِ
Ҳадиси Шариф билан
Ёмон нарсадан ғазабланиш
Азиз мухлислар, «Ҳадиси Шариф билан” номли рукнимизнинг янги сонини самимий саломлар билан бошлаймиз. Сизларга Аллоҳ Таолонинг саломи, раҳмати ва баракоти бўлсин.
Ибн Ҳажар ал-Асқалоний “Фатҳул-Барий – шарҳу Саҳиҳул Бухорий” асарининг “Насиҳат ва таълимда ғазаб” бўлимида шундай дейди:
حدثنا محمد بن كثير قال أخبرنا سفيان عن ابن أبي خالد عن قيس بن أبي حازم عن أبي مسعود الأنصاري قال: قال رجل يا رسول الله لا أكاد أدرك الصلاة مما يطوّل بنا فلان، فما رأيت النبي صلى الله عليه وسلم في موعظة أشد غضبا من يومئذ، فقال: “أيها الناس إنكم منفرون فمن صلى بالناس فليخفف فإن فيهم المريض والضعيف وذا الحاجة“.
Бизга Муҳаммад ибн Касир Абу Масъуд ал-Ансорийдан ривоят қилган ҳадисда қуйидагиларни айтиб берди: Бир киши “Ё Расулуллоҳ, фалон киши намозни узоқ ўқиганлиги сабабли мен жамоат намозига кела олмаяпман”, деди. Мен Расулуллоҳ соллаллоҳу алайҳи васалламни ўша кунги хутбадагидек ғазабланганини ҳеч қачон кўрмаганман. Сўнг Расулуллоҳ соллаллоҳу алайҳи васаллам шундай дедилар: “Эй одамлар, сиз одамларни бездиряпсиз. Ким одамларга имомлик қилса, намозни қисқа қилсин. Чунки улар орасида касаллар, заифлар ва муҳтожлар ҳам бор”.
Азиз биродарлар!
Фарз ва бошқа намозларни мусулмонлар учун қисқа қилиш лозимлигига шубҳа йўқ. Расулуллоҳ соллаллоҳу алайҳи васаллам бунинг иллатини “Чунки улар орасида касаллар, заифлар ва муҳтожлар ҳам бор”, дея изоҳладилар. Расулуллоҳ соллаллоҳу алайҳи васалламнинг Умматларига қанчалик меҳрибонлигини кўряпсизми?! У зот Умматнинг васвасага тушиб, намоздан узоқлашишидан қўрқдилар. Улар шунчаки, намозни чўзганлари учун бошқалар диндан узоқлашишидан қўрқдилар. Ўша “Фалончи”нинг намозни узайтирганини эшитиб, қаттиқ жаҳллари чиқди.
Эй мусулмонлар!
Агар Набий соллаллоҳу алайҳи васаллам бу каби оддий нарсадан шунчалик ғазабланган бўлса, бутун умматнинг кофир капитализм, демократия ва илмонийлик ботқоғида яшаётганини кўрсалар, сизнингча У зотнинг ғазаби қандай бўлар эди? Аллоҳнинг ғазаблари қандай бўларди? Аввалги умматларга етган ҳолатларнинг барчаси мусулмонларга ҳам етганини кўрсалар қанчалик ғазабланар эдилар? Мустамлакачи кофирлар егулик талашаётган итлардек Умматнинг устига ёпирилиб келганига нисбатан сизнингча У зотнинг ғазаби қандай бўлиши мумкин? У зотнинг бу ҳолатларга намоздан кўра кўпроқ ғазабланишига ҳеч шубҳа йўқ.
Шундай экан, бу Уммат қачон уйғонади, қачон ўзига келиб, бу ҳолатни ўзгартиришга ҳаракат қилади? Қачон ўрнидан туриб, қўрқув тўнини ечиб, баланд овоз билан: “Лаббайка (амрингизга мунтазирмиз, эй Расулуллоҳ, амрингизга мунтазирмиз, эй Аллоҳнинг Элчиси”, деб ҳайқиради?
Аллоҳим, мусулмонларни бирлаштириб, уларнинг бошидаги балоларни аратадиган Пайғамбарлик минҳожи асосидаги Рошид Халифалик давлатининг тикланишини тезлаштиргин. Аллоҳим, ер юзини Ўз нуринг билан мунаввар қилгин.
Азиз биродарлар, навбатдаги «Ҳадиси Шариф билан» номли рукнимизгача Аллоҳ Таолонинг паноҳида бўлинг. Сизларга Аллоҳ Таолонинг саломи, раҳмати ва баракоти бўлсин.
29 Робиул-аввал, 1446ҳ йил.
2 Окттябр, 2024м йил.
