Хавфсизлик туфайли майдонда ҳайит намози ўқилмайди
16 июн куни нишонланадиган Қурбон ҳайити намози хавфсизлик нуқтаи назаридан марказий майдонда эмас, маҳаллий масжидларда ўқиладиган бўлди. Бу ҳақда Қирғизистон муфтийлиги маълум қилди.
Қирғизистон ҳукуматининг бу ҳаракати мусулмонларни ибодатдан тўсиш ва уларни назорат остига олиш усулларидан биридир. Чунки сўнгги йилларда Қирғизистонда ҳайит намозига иштирок этаётган мусулмонлар сони умумий аҳоли сонига нисбатан сезиларли даражада ошиб бормоқда. Пойтахтнинг ўзида юз минглаб одамларнинг ҳайит намозига иштирок этиши Исломга қарши ичида ғарази бор амалдорларни ғазаблантириб келаётгани аввалдан маълум.
Қолаверса, бир йилда икки марта ўқиладиган ҳайит намози ҳам жамият қай даражада Исломийлашиб бораётганининг кўрсаткичига айланди. Бу кўрсаткич нафақат Қирғизистон ҳукуматини, балки хўжайинлари бўлмиш мустамлакачиларни ва уларнинг қўл-оёғига айланган халқаро ташкилотларни ҳам ташвишга солаётгани шубҳасиз. Шунинг учун бу ташкилотлар Исломлашув жараёнининг олдини олиш учун Қирғизистон ҳукуматига миллионлаб долларлар бериб келмоқда. Ҳукумат бу маблағларни оқлаш учун сохта хавф-хатарлар ўйлаб топиб, Исломий қадриятларга қарши курашни кучайтирмоқда. Бу билан ҳокимият назоратидан ташқарида қолган мусулмонлар устидан орган ходимларининг назоратини кучайтиришга ҳаракат қилинмоқда.
Хулоса қилиб айтганда, эҳтиёткор бўлиш фарзларни тарк этишни англатмайди. Айниқса, кўнгилочар тадбирларга ўн минглаб одамлар ҳеч бир тўсиқларсиз тўпланаётган бир пайтда, майдонларда намоз ўқишни тақиқлаш иккиюзламачиликдан бошқа нарса эмас. Ваҳолангки, марказий майдон ўрнига масжидларда намоз ўқиш билан хавфсизлик масаласи ҳал бўлиб қолмайди. Бу эса, хавфсизлик шунчаки баҳона эканлигини кўрсатмоқда. Демак, мутасаддилар ҳайит намозини чеклаш билан ўзларига юкланган масъулиятни бажармаганлиги учун гуноҳкор бўлмоқда. Шундай экан, биз мусулмонлар давлат мутасаддиларидан бу ишларнинг Исломга мувофиқ бажарилишини талаб қилиб, уларнинг Ислом қадриятлари ва ҳукмларини оёқ ости қилишларига йўл қўймаслигимиз керак!
Мумтоз Маверанаҳрий
