بِسْمِ اللهِ الرَّحْمٰنِ الرَّحِيمِ
Ислом ўз фазилатлари билан душманларининг истаклари ўртасида
Шайх Исом Амира
Ислом инсонинг ўзи билан, бошқалар инсонлар билан ва яратувчиси билан бўлган алоқасини тартибга солиш учун Аллоҳ томонидан Росули Муҳаммад ﷺга нозил қилинган диндир. Ислом ўзига хос яшаш тарзи бўлиб, инсоният билган барча яшаш тизимларидан фарқ қилади. Ушбу фарқ соғлом ақидада ва мукаммал қонунчиликда кўринади. Хусусан, бу фарқ Исломнинг зулм қилмай ва бировларнинг бойлигига кўз олайтирмай қониқарли ва жозибали йўл билан тарқалиб, кенгайишида, ҳатто зулматдан нурга, динлар адолатсизлигидан Ислом адолатига, дунё торлигидан дунёю охират кенглигига инсонларни олиб чиқишида намоён бўлади.
Исломнинг мавжудлиги ва тарқалиши билан боғлиқ ўзига хос фазилатлари мавжуд. Шунингдек, Исломнинг мусулмонлар билан боғлиқ ва уларга вазифа юклайдиган интилишлари ҳам мавжуд бўлиб, мусулмонлар уларни ҳаёт воқелигида вужудга келтиришга ҳар доим ҳаракат қилишлари лозим. Исломларнинг интилишлари бўлиши баробарида, Ислом душманларининг ҳам ўз интилишлари бор. Душманларнинг интилишлари Ислом Маккада дунёга келган илк кундан бери пайдо бўлган бўлиб, то бугунги кунгача турли шаклларда давом этмоқда. Икки томоннинг интилишлари турли хил бўлгани сабабли, Ислом ўз душманларига қарши курашда давом этади. Бу ҳолат то Аллоҳ Ўзи тақдир қилган ишни рўёбга чиқариб, ҳақ ботил устидан ғалаба қозонгунига, адолат ноҳақликни мағлуб этиб, Ислом ўтроғу кўчманчининг уйигача кириб боргунига ва Ислом Умматининг мулки ер юзининг машриқию мағрибига қадар азизнинг азизлиги ёки хорнинг хорлиги билан етиб боргунига қадар давом этади… Азизликки, у билан Аллоҳ Ислом динини азиз қилади. Хорликки, у билан Аллоҳ куфрни хор қилади.
Ислом динининг фазилатлари қуйидагиларда кўринади:
- Коинот, инсон, ҳаёт ҳамда уларнинг ўзидан олдинги вужудга ва ўзидан кейинга вужудга алоқаси ҳақида тўғри ақидани бериш.
- Ушбу ақидадан балқиб чиқувчи тузумни ичкарида кенг миқёсда ва тўлиқ татбиқ қилиш.
- Ислом даъватини Аллоҳ йўлида жиҳод қилиш орқали бутун дунёга олиб чиқиш.
Мусулмонларнинг интилишлари қуйидагилардан иборат:
- Инсонларни мажбурламаган ҳолда Аллоҳнинг динига тўп-тўп равишда киритиш.
- Бутун оламга Ислом ҳокимиятини ўрнатиш.
- Аллоҳ Азза Жалланинг ризосига етишиш.
Бироқ, Ислом душманларининг интилишлари мусулмонлар интилишига батамом зид бўлиб, бутундай фарқ қилади. Аллоҳ Субҳанаҳу ва Таоло айтади:
وَلَن تَرْضَى عَنكَ الْيَهُودُ وَلاَ النَّصَارَى حَتَّى تَتَّبِعَ مِلَّتَهُمْ
«Яҳудий ва насронийлар уларнинг динига кирмагунингизча ҳаргиз сиздан рози бўлмайдилар» [Бақара 120]
Яна бундай дейди:
وَلَئِنْ أَتَيْتَ الَّذِينَ أُوْتُواْ الْكِتَابَ بِكُلِّ آيَةٍ مَّا تَبِعُواْ قِبْلَتَكَ وَمَا أَنتَ بِتَابِعٍ قِبْلَتَهُمْ
«Қасамки, агар Сиз аҳли китобларга бор мўъжизаларни келтирсангиз ҳам улар қиблангизга боқмайдилар, сиз ҳам уларнинг қибласига боқувчи эмассиз» [Бақара 145]
Яна бундай дейди:
وَدَّ كَثِيرٌ مِنْ أَهْلِ الْكِتَابِ لَوْ يَرُدُّونَكُمْ مِنْ بَعْدِ إِيمَانِكُمْ كُفَّاراً حَسَدًا مِنْ عِندِ أَنفُسِهِم مِنْ بَعْدِ مَا تَبَيَّنَ لَهُمُ الْحَقُّ
«Аҳли китобларнинг кўпчилиги сизларни, иймонли бўлганингиздан кейин (яъни ҳозир), уларнинг ўзларига ҳам ҳақиқат очиқ равшан бўлганидан кейин ҳасад қилганлари сабабли куфрга қайтаришни истайди» [Бақара 109]
Мусулмонларнинг ушбу интилишлари қадимдан, Ислом тонги отгандан буён очиқ гавдаланиб, мусулмонларнинг кейинги асрларида ҳам давом этди ва кофирлар қарийб бир аср олдин Усмоний Халифалик давлатини ағдаришга муваффақ бўлгунга қадар сусаймади. Кейин мусулмонлар Пайғамбарлик минҳожи асосидаги иккинчи рошид Халифалик давлатини барпо этиш орқали ўз Умматларини уйғотиш ва унинг улуғлигини тиклаш лойиҳаси учун жиддий ҳаракат қила бошлаганларидан сўнг ушбу интилишлари қайта очиқ равишда янгиланди.
Бу ўтмиш ва ҳозирги мисоллардан кўриниб турибдики, демак, Ислом душманларининг интилишлари бу диндан қўрқишаётганида мужассам бўлиб, унга қарши курашда ғирромлик йўлини тутишларида ва унинг ғолиб келишидан ғазабланишаётганида гавдаланади.
Ўтмишда улар Набий ﷺнинг Ислом рисоласини оламга олиб чиқишларини олдини олиш учун барча йўлларни синаб кўришди. Ислом даъвати Макка ва унинг атрофидаги, ҳатто Араб ярим оролининг барча минтақаларидаги истеҳкомларни ёриб кирмаслиги учун ушбу дин қаршисида мустаҳкам тўсиқларни қўйишди. Пайғамбар алайҳиссаломга ўз даъватидан воз кечиши учун турли хил жозибали таклифларни киритишди. Бунга мисол, «Тарихи Ибн Ҳишом»да Муҳаммад ибн Каъб Қурзийдан бундай ривоят келган: «Бу воқеа Утба ибн Робиа билан бўлди. У Қурайш саййидларидан эди. Бир куни Росулуллоҳ ﷺ масжидда ёлғиз ўтирганларида Утба Қурайшнинг мажлисхонасида эди. Утба «Бориб Муҳаммад билан бир гаплашайми? Унга бир неча ишларни таклиф қилиб кўраман, шояд баъзисини қабул қилиб қолса, нимани хоҳласа, берар эдик, сўнгра бизни тинч қўярди», деди. Ўша пайт Ҳамза розияллоҳу анҳу Исломга кирган ва Росулуллоҳ соллаллоҳу алайҳи васалламнинг саҳобалари кўпайиб бораётгани кўриниб турарди. Қурайшликлар: «Тўғри, Эй Абул Валид, унинг олдига бор. У билан гаплашиб кўр», дедилар. Утба туриб Росулуллоҳ соллаллоҳу алайҳи васалламнинг олдиларига борди ва гап бошлади: Эй акамнинг ўғли, ўзингга маълум, сен бизнинг қариндошларимиз ичида ҳурматли, насаби улуғ инсонсан… Аммо сен қавмингга оғир нарса олиб келдинг, у билан жамоаларини бўлдинг, орзуларини аҳмоққа чиқариб, илоҳлари ва динларини айбладинг. Уларнинг ўтган боболарини кофир дединг. Менга қулоқ сол, сенга бир неча ишларни таклиф қиламан, ўйлаб кўр, бирортасини қабул қилсанг, ажаб эмас. Росулуллоҳ ﷺ «Эй Абу валид, айт, эшитаман», дедилар. У агар ўзинг келтирган ушбу иш билан молу дунёни хоҳлаётган бўлсанг, сенга мол-дунё йиғиб берайлик, ичимизда энг бойимиз бўл. Агар шон-шуҳрат истаётган бўлсанг, сени ўзимизга бошлиқ қилиб олайлик, сенинг изнингсиз бирор иш қилмайлик. Агар у билан подшоҳликни хоҳлаётган бўлсанг, сени ўзимизга подшоҳ қилиб олайлик. Агар сенга келаётган бу нарса бирор жин ёки шарпа бўлса, уни қайтара олмаётган бўлсанг, табибларни олиб келайлик. Токи тузалиб кетгунингча, молу дунёмизни сарф қилайлик. Кўпинча одамга шундай нарса келса, даволанса, тузалиб кетади. Утба гапини тамом қилгунча қулоқ солиб турган Росулуллоҳ соллаллоҳу алайҳи васаллам: «Эй Абул Валид, гапириб бўлдингми?» дедилар. «Ҳа», деди Утба. «Энди мендан эшитгин», дедилар Росулуллоҳ соллаллоҳу алайҳи васаллам. «Қулоғим сенда», деди Утба. Шунда Росулуллоҳ ﷺ ушбу оятни тиловат қилдилар:
حـمۤ * تَنزِيلٌ مِّنَ الرَّحْمَـنِ ٱلرَّحِيمِ * كِتَـابٌ فُصِّلَتْ آيَـاتُهُ قُرْآناً عَرَبِيّاً لِّقَوْمٍ يَعْلَمُونَ بَشِيراً وَنَذِيراً فَأَعْرَضَ أَكْثَرُهُمْ فَهُمْ لاَ يَسْمَعُونَ
«Ҳо, Мим. (Ушбу Қуръон) меҳрибон ва раҳмли (Аллоҳ) томонидан нозил қилингандир. У биладиган қавм учун (мўминларга) хушхабар бергувчи ва (кофирларни азобдан) огоҳлантиргувчи — арабий Қуръон ҳолида (нозил қилиниб), оятлари муфассал баён қилинган Китобдир. Бас (кофирларнинг) кўплари (унинг оятлари ҳақида тафаккур қилишдан) юз ўгирдилар, демак улар эшитмаслар» [Фуссилат 1-4]
Росулуллоҳ ﷺ ушбу оятни Утбага ўқиб беришда давом этдилар. Утба унга қулоқ солиб эшитгач, қўлларини орқасига қилиб суянган ҳолда тинглади. Росулуллоҳ сажда оятини ўқиб, сажда қилдилар. Сўнгра: «Эй Абул Валид, эшитган нарсангни эшитдинг, энди ўзинг биласан», дедилар. Утба ўрнидан туриб шериклари томон юрди. Улар бир-бирларига: «Аллоҳга қасамки, Абул Валид олдимиздан кетгандаги юзидан бошқа юз билан келмоқда», дедилар. У олдиларига келиб ўтиргач: «Эй Абул Валид, нима гап олиб келдинг?» дедилар. Утба бундай деди: «Аллоҳга қасамки, мен ундан ҳеч эшитмаган гапни эшитдим. Аллоҳга қасамки, у сеҳр эмас, шеър ҳам эмас, фолбинлик ҳам эмас. Эй Қурайш жамоаси, менга итоат қилинглар. У одамни ўз иши билан қўйиб қўйинглар. Ундан четланинглар. Аллоҳга қасамки, эшитганим бу гаплар бир хушхабар келтирмай қолмайди. Агар бошқа араблар уни даф қилсалар, бошқалар сизни Муҳаммаддан қутқарган бўлади. Агар у араблардан устун келса, унинг мулки сизнинг мулкингиз бўлади. Унинг иззати сизнинг иззатингиз бўлади. Энг саодатли одамлар бўласиз». Утбанинг бу сўзларини эшитишиб – Эй Абул Валид, сени у ўз тили билан сеҳрлаб қўйибди, дейишди. Утба: «Бу одам тўғрисида менинг фикрим шу, бу ёғини ўзларинг биласанлар», деди.
Энди, кофирларнинг бугунги кундаги интилишларига келсак, Америка ва Россиядаги куфр етакчиларининг баёнотлари ҳамда ўз минтақалари ва мусулмон юртларидаги динни барпо этилишига қарши қилмишлари ҳаммага яққол маълум нарса. Улардан энг муҳими НАТОнинг Осиё ва Европадаги кучлари қўмондони Уэсли Кларкнинг баёнотидир. У қуйидаги сўзлари билан Бушнинг 2001 йилда Афғонистонга қилган уруши Исломга қарши уруш бўлганини фош этди: «Ким бизни Афғонистонга 11-сентябр ҳодисаси учун ўч олгани чиқди, деб ўйлаётган бўлса, хато қилибди, хатосини тузатиб олсин. Биз ундан ҳам хатарли нарсага-исломга қарши урушга чиқдик. Биз исломнинг мусулмонлар қарор қабул қиладиган лойиҳага айланишини истамаймиз, аксинча, уларга исломнинг қандай бўлиши кераклигига биз қарор берамиз…».
Яқинда мусулмонлар бехабар қолган яна бир иш бўлди, Макрон Франция Мусулмонлар диний Кенгашини тарқатиб юборганини ва унинг ўрнига Франция Ислом Форуми, деб номланган янги муассаса очганини эълон қилди. Унинг ортидан матбуот анжуманида сўнгги йилларда Исломга қарши эришган ютуқлари билан мақтаниб, мусулмонлар яшайдиган уйлардан 28 мингтасида штурм операцияси амалга оширганини, 906та исломий муассаса (масжид ва жамият)ларни бутунлай ёки вақтинча ёпиб қўйганини маълум қилди! У, шунингдек, мусулмонлар пулларидан 52 миллионни давлатга мусодара қилганини, ғайримусулмонлар томонидан мусулмонларга қарши гаплар нисбати ошганини, араб тили таълимига чек қўйилиб, уй таълими ёки давлат доирасидан ташқаридаги таълим бекор қилинганини ва барча ажнабий тиллар таълимининг давлат назорати остига киритилгани билан ҳам мақтанди! Бундан ташқари, жуда кўп афсусланарли гапларни гапирдики, улар худди ҳозирги замоннинг қирғин ва инквизициясидан бошқа нарсага далолат қилмайди!
Хулоса қилиб айтганда, Исломни ёмон кўрувчилар ва маккорлар истамасалар-да, Исломнинг фазилатларидан, душманларининг интилишларидан ғофиллар ғафлатда қолсалар-да, бироқ Ислом ўз фазилатлари билан душманларининг интилишлари ўртасида ўзининг йўлини шиддат билан ёриб ўтиб, Аллоҳ Азза ва Жала ваъда қилган ва Росулуллоҳ ﷺ башорат қилган давлатнинг барпо этилиши томон ҳаракат қилмоқда. Бунинг учун Пайғамбарлик минҳожи асосидаги иккинчи рошид Халифалик давлатини барпо қилиш орқали ушбу динни азиз қилиш учун фаолият қилаётганларнинг нусрат қучишига Аллоҳнинг изн бериши қолди, холос. Зеро, Халифалик давлати вайрон қилувчи зилзиладан фарқли ўлароқ, обод этувчи зилзила бўлади ҳамда дунёнинг биринчи ва ягона давлатига айланиб, дунёнинг капиталистик ва социалистик тузумлар остида зулму зўравонликка тўлиши ортидан, бутун инсониятни хайр-баракот, адолат ва муҳаббат сари етаклайди.
﴿وَلَيَنصُرَنَّ اللَّهُ مَن يَنصُرُهُ إِنَّ اللَّهَ لَقَوِيٌّ عَزِيزٌ﴾
«Албатта Аллоҳ Ўзига (яъни динига) ёрдам берадиган зотларга нусрат берур. Шубҳасиз Аллоҳ кучли, қудратлидир» [Ҳаж 40]
Роя газетасининг 2023 йил 29 март чоршанба кунги 436-сонидан
