بِسْمِ اللهِ الرَّحْمٰنِ الرَّحِيمِ
Ҳизб ут-Таҳрир аъзолари Ғазо секторидаги Нусайрот қочқинлар лагерида «Болалар ҳуқуқини ҳимоя қилиш» қонунининг хавф-хатарларидан огоҳлантирувчи тадбир ўтказди
Ҳизб ут-Таҳрир аъзолари Ғазо сектори марказидаги Нусайрот қочқинлар лагерида мафкуравий тадбир уюштириб, унда бир қанча ёшлар гуруҳлари билан учрашув ўтказдилар. Ушбу тадбир одамлар билан муносабатда бўлиш бўйича ҳамда «Болалар ҳуқуқини ҳимоя қилиш» қонунининг – қўлланиладиган бўлса – келтирадиган хавф-хатарларидан огоҳликка чақириш кампанияси доирасида уюштирилди.
Нотиқлар ёшлар гуруҳлари олдида қилган нутқларида «Болалар ҳуқуқини ҳимоя қилиш» қонунининг моҳияти ҳақида, шунингдек, унинг келиб чиқиш сабаблари, таянган сиёсий ва қонуний манбалари, бу манбалардан асосийси «Халқаро Болалар Ҳуқуқлари конвенцияси» билан «Инсон Ҳуқуқлари умумжаҳон декларацияси» эканлиги тўғрисида гапирдилар. Шунингдек, Фаластин маъмуриятининг БМТга нақадар итоат қилаётгани ва мана шундай бузғунчи конвенцияларга амал қилаётганига тўхталиб ўтиб, бунинг шаръий ҳукмини баён қилдилар.
Нутқ сўзлаганлар, шунингдек, «Болалар ҳуқуқини ҳимоя қилиш» қонунининг айрим моддалари ҳақида сўз юритиб, уларнинг ҳуқуқий жиҳатдан нимани англатишига, уларнинг узоқ ва яқин муддат давомида хоссатан ва бевосита болаларга, бевосита ва билвосита ота-оналарга ва жамиятга қандай оқибатлар олиб келишига тўхталиб ўтдилар.
Сўзга чиққанлар ўз нутқлари сўнггида йиғилганларга айни қонунни қаттиқ қоралашлари ва татбиқ қилинишига қарши чиқишлари кераклигини тушунтирдилар. Оилаларимиз ва болаларимизни бузиш ва йўлдан уришга қаратилган бундай ҳалокатли қонунларнинг режим томонидан амалга оширилишига қарши туришда жамият қатламларининг, жумладан ёшларнинг роли муҳим эканини таъкидлаб ўтдилар.
Нотиқлар, шунингдек, Ҳизб ут-Таҳрир томонидан нашр қилинган Болалар ҳуқуқини ҳимоя қилиш конвенцияси яқинлашаётган хавф бўлиб, Фаластин маъмурияти томонидан татбиқ этилиши Исломга қарши урушдир» номли китобга эътибор қаратдилар. Китобда айни қонунинг хавф-хатари баён қилинганлигини, шунинг учун барча одамлар масалани онгли равишда англаб етмоқ учун ушбу китобни яхшилаб ўқиб чиқмоқлари кераклигини таъкидладилар.
Роя газетасининг 2023 йил 26 апрел чоршанба кунги 440-сонидан
