بِسْمِ اللهِ الرَّحْمٰنِ الرَّحِيمِ
Халқ қўллаб-қувватловининг Шом тоғути билан ярашиш режасини барбод қилишдаги роли
Устоз Аҳмад Суроний
Ҳар қандай сиёсатчи шуни яхши биладики, сиёсий режимни мустаҳкамлаш ёки уни титратиш, ҳатто ағдариб, одамлар истагига мос янги режимга алмаштиришда халқ қўллаб-қувватлови (халқ базаси) жуда муҳимдир. Бу араб баҳори қўзғолонларида яққол кўринди. Сабр косаси тўлиши ортидан золим режимларни ағдаришни шу халқ талаб қилди.
Бироқ, малай режимлар хўжайинлари Америка билан бирга ушбу халқ ҳаракати олдида қўл қовуштириб туришмади. Аксинча, халқ талабларини жиловлаш учун ҳамда уларнинг режимни ағдариш талабларини кичрайтириб, уни фақат режимнинг раҳбарини ағдаришга чеклаш учун жон-жаҳдлари билан ҳаракат қилишди. Ҳақиқатда, режимлар сақлаб қолиниб, бир неча ҳукмдорлар ағдарилди. Ғарб ва унинг ҳар бир исломий юртлардаги думлари илмоний режимни сақлаб қолишга қаттиқ ҳаракат қилишди… Ҳеч нарса ўзгартирилмади, бутун қўзғолонлар муваффақиятсизликка учратилди.
Шом қўзғолонига келсак, у бошқа қўзғолонлардан фарқ қилади. Шомлик қўзғолончиларда юксак онг даражаси бор ва бу Ғарбнинг қўзғолонни жиловлаш, йўлидан адаштириб, осонгина йўқ қилиш каби ҳар қандай саъй-ҳаракатини тўсишда муҳим роль ўйнади. Мана, қўзғолон умрининг ўн иккинчи йилида турган эканмиз, барча қўзғолончилар дунё тартибининг бўғзига тақалган суяк эканликларини ҳамон исботламоқдалар. Америка қўзғолонни йўқ қилиш ва уни жиноятчи режим қучоғига қайтариш учун ишга солган барча восита-қуролларнинг одамлар наздида эътибори қолмади. АҚШ ишга солган қуролларнинг энг муҳими сиёсий етакчилик сифатида қўзғолонни ҳалокат жарлиги ёқасига олиб келиб қўйган яраштирувчи ва васийлик қилувчи турк режимидир.
Шунингдек, Американинг Шом қўзғолонига турли услублар билан зўрлаб тиқиштиришга уринган илмоний коалиция ва ҳукуматлари каби сохта етакчиликлари ҳам шарманда бўлди. Айниқса, коалиция Туркиянинг Асад режими билан ярашиш ҳаракатларини қўллаб-қувватлаш билан очиқ шармандалик позициясини эгаллагандан сўнг шундай бўлди. Ҳатто иш шу даражага етдики, намойишчилар 2023 йил 13 январда коалиция раиси Солим Мусаллитни Эъзоз шаҳридаги намойишдан қувиб солиб, уни режим билан алоқа қилишда айблашди.
Сурия Исломий кенгаши ва унинг Турк режими билан алоқа қилувчи фигураларининг ҳам шармандаси чиқди, хусусан, кенгаш аъзоларидан бири қонхўр режимни қўллаб-қувватлаган Мунира Қубайсийнинг вафотига таъзия изҳор қилганидан кейин.
Жангчи гуруҳлардаги турк режими билан алоқа қилувчи етакчиларнинг ҳам шармандаси чиқди. Чунки улар бу режимнинг буйруқларини бажариб, фронтларни музлатишди, шунингдек, ўз хавфсизлик хизматлари қўли билан одамларни қамоққа олиш, уларга оғир солиқ ва тўловлар солиш билан Сурия шимолининг иккала қисмида одамларнинг азоб-уқубатларининг янада кучайишига ҳисса қўшишди. Бу билан улар турк муаллимлари ўргатганидек, одамларга тазйиқ ўтказиб, қалбларига умидсизлик уруғини экиш орқали нопок ниятли ярашув режасини татбиқ қилиш йўлидан кетишмоқда.
Россия, Сурия ва Туркия мудофаа вазирлари ва разведка директорларининг уч томонлама учрашувларидан сўнг халқ қўллаб-қувватловини жиловлаш ҳамда қўзғолон ҳаракатини адаштириб, унинг талабларини кичрайтириш учун бўлаётган уринишларга келсак, бу уринишлар ҳам ростгўй-холис Шом қўзғолончилари учун фош бўлди.
Умматнинг озод этилган ҳудудларда яқиндагина уюштирган намойиш ҳаракатлари яхшиликдан дарак бермоқда. Дарҳақиқат, халқ нопок ниятдаги ярашув лойиҳасини ҳис қилиб, уни барбод этишга жиддий ҳаракат қила бошлади. Лекин барбод қилиш учун барча холис онгли фарзандларининг саъй-ҳаракати бўлиши шарт. Токи, қўзғолоннинг тортиб олинган қарори ўзига қайтиб, барчамизнинг қароримиз тил бириктирувчи ва сотқинлар қўлида эмас, балки ўз қўлимизда бўлсин.
Биз шуни гувоҳи бўлдикки, халқнинг яқиндаги қўллаб-қувватлов намойишлари Американи Туркия-Сурия режимлари ўртасидаги муносабатларни нормаллаштириш ишини тўхтатиш тўғрисида баёнот беришга мажбур қилди. Чунки Америка ўзининг сиёсий ярашув ечими учун ҳали вақт келмади, деб ҳисоблаяпти. Ўз навбатида, бу Туркия ташқи ишлар вазирини суриялик ҳамкасби билан бўлажак учрашуви вақтини кечиктиришга ундади.
Бироқ, биз ҳис-туйғу реакциялари билан кифояланмаслигимиз керак. Билъакс, ҳозирги халқ намойишларини гўзал суратда ташкиллаштиришимиз ва битта онгли ростгўй етакчилик ортидан уларни қўзғолоннинг аниқ ўзгармас мақсадлари атрофида бирлаштирмоғимиз лозим.
Айни шу нарса намойишларнинг давом этишига, кенгайишига ва турк режими малайларининг жиловлаш йўлидан қутулиб олишига кафилдир. Фақат шундагина намойишларнинг ярашувни барбод этиш мақсадлари рўёбга чиқади.
Ана шунда қўзғолон қайтадан ўз қарорини ва ташаббус тизгинини қўлига олиб, унинг фарзандлари орасидаги куч-қудрат аҳли устун-таянчга айланади. Ана шунда халқ тўғриланган йўлдан янги қадамларни ташлайди. Бу – Дамашқдаги қонхўр режимни йиқитиб, харобалари узра Ислом бошқарувини барпо этиш йўлидир.
Роя газетасининг 2023 йил 1 феврал чоршанба кунги 428-сонидан
