Садир Жапаров Венгрия президенти билан учрашди
Хабар: 13-феврал куни Қирғизистон президенти Садир Жапаров Будапештда Венгрия президенти Каталин Новак билан расмий учрашув ўтказди. Бу ҳақда президент матбуот хизмати хабар қилди.
Садир Жапаров 12-феврал куни расмий ташриф билан Венгрияга ташриф буюриди. Қирғизистон расмий делегацияси таркибида ташқи ишлар вазири Жээнбек Кулубаев, президент маъмурияти ташқи сиёсат бўлими мудири Муратбек Азимбакиев, Қирғизистоннинг Венгриядаги элчиси Талантбек Кушчубеков, таълим ва фан вазири Уланбек Мамбетакунов, рақамли ривожланиш вазири Талантбек Иманов, иқтисодиёт ва савдо вазири Данияр Амангелдиев ва адлия вазири Аяз Баетовлар бор.
Расмий ташриф доирасида Садир Жапаров Венгрия президенти Каталин Новак бошчилигидаги қатор раҳбарлар билан учрашади. Бундан ташқари, у қирғиз-венгер бизнес форумида иштирок этади. Ташриф доирасида бир қатор икки томонлама ҳужжатлар имзоланади.
Изоҳ: Садир Жапаров Қирғизистоннинг ташқи сиёсати тўғрисида гапирар экан Европа давлатларидан Венгрия билан алоқалар мустаҳкамланиб бораётганини айтган эди. Венгрия билан муносабатлар Жапаров бошқаруви даврида илиқлашгани йўқ. Бундан аввалроқ, 2018 йил сентябр ойида Венгрия бош вазири Виктор Орбан кўчманчиларнинг III Бутунжаҳон ўйинларининг очилиши маросимида иштирок этиш учун Қирғизистонга келган эди. Кейинчалик, Қирғизистоннинг ўша вақтдаги президенти Жээнбеков ҳам 2020-йил октябр ойи бошида Венгрияга ташриф буюриган ва Венгрия президенти Янош Адер ва Миллий йиғилиш спикери Ласло Кёвер билан учрашувлар ўтказган эди. 2021-йил ноябр ойида эса Бишкекда қирғиз-венгер тарақиёт жамғармаси расмий очилган ва унинг капитали 50 миллион доллар бўлиши айтилган эди. Бундан ташқари, Венгрия Туркия бошчилигидаги Туркий давлатлар ташкилотида кузатувчи мақомига эга. Гарчи, Венгрия президенти билан бўлган учрашувда Жапаров Қирғизистон учун Европага йўл Венгрия орқали очилаётганини айтган бўлишига қарамай, ҳозирча Венгрия билан алоқалар асосан савдо-иқтисодий ва маданий-гуманитар муносабатларни йўлга қўйиш масалаларидан иборат бўлмоқда. Қолаверса, Венгрия Европа иттифоқи ва НАТОга аъзо бўлишига қарамай Европада ҳал қилувчи сўзга эга эмас.
Абдураҳмон Одилов
