Кичик ГЭС қуриш бўйича шартнома имзоланди
Хабар: 13-январ куни Қирғизистон Энаргетика вазирлиги, Иқтисодиёт ва савдо вазирлиги, Молия вазирлиги ҳузуридаги Молия-кредит жамғармаси ва “China National Heavy Machinery Corporation” компанияси ўртасида ҳамкорлик тўғрисида меморандум имзоланди. Бу ҳақда Энергетика вазирлиги матбуот хизмати хабар берди.
Меморандум қуйидагиларни ўз ичига олади:
1) Қирғизистон энергетика соҳасини ривожлантиришга ҳисса қўшадиган шериклик муносабатлари ва стратегик ҳамкорликни мустаҳкамлаш:
2) Қуввати 21 Мвт. Бўлган Отро-Токой сув омборида кичик ГЭС қуриш тўғрисида имзоланди.
Энергетика вазири Таалайбек Ибраев имзоланган ҳужжат аҳолини электр энергияси билан таъминлаш ва мамлакатда энергия тақчиллигини бартараф этишга қаратилган асосий қадамлардан бири эканлигини таъкидлади. Вазир, шунингдек, Энергетика вазирлиги Орто-Токой сув омборида “Чакан” ГЭСини қуришдан манфаатдор эканини маълум қилди.
Меморандумни имзолашда Энергетика вазири Таалайбек Ибраев, Иқтисодиёт ва савдо вазири Данияр Амангелдиев, Молия-кредит жамғармаси раҳбари Жусубали Торомаматов ва “China National Heavy Machinery Corporation” компанияси вице-президенти Женг Хенсонг иштирок этди.
Изоҳ: Куни кеча Садир Жапаров ижтимоий тармоқдаги саҳифаси орқали Қирғизистоннинг ташқи қарзини “яшил” лойиҳалар бўйича ташаббусларга алмаштириш масаласини ишлаб чиқишни топширганини ёзиб чиққан эди. Бу хабарида Садир Жапаров Қирғизистон қарздор бўлган давлатлар ва молия институтлари мамлакатдаги энергетика объектлари қурилишида иштирок этиши ва яшил иқтисодиёт объектларининг “ленталарини” биргаликда кесишини таклиф қилган.
Маълумки, Қирғизистоннинг энг катта ташқи қарзи Хитойдан бўлиб, қирғиз ҳукумати бир неча йиллардан бери Хитой ҳукуматидан қарз муддатини узайтиришни сўраб келади. Ўз навбатида хитой ҳукумати ҳам маълум шартлар эвазига қарз муддатини узайтиришга рози бўлган эди. Бундан бир неча йил олдин хитойлик “инвесторлар” қирғиз қонунларини менсимай, маҳаллий ишчи ва аҳолига нисбатан қўллаган муомалалари оқибатида қирғиз жамоатчилигида Хитойга нисбатан норозилик кайфияти кучайиб, пойтахтда норзилик намойишлари бир-бирига уланиб кетган эди. Халқнинг хитойлик “инвесторларга” бўлган нафратидан чўчиган расмий ҳукумат Хитой билан эришилган аввалги шартномаларни вақтинчалик тўхтатиб туришга мажбур бўлганди. Аммо, вақт ўтиб “сувлар тингач” расмий ҳукумат аввал имзоланаган шартномаларни бирин-кетин бажариш йўлига ўтди. Хитой компанияси томонидан амалга оширилаётган “Хавфсиз шаҳар” лойиҳаси ҳам шулардан биридир. Садир Жапаров илгари сурган “яшил” лойиҳаларда ҳам асосий “инвестор” Хитой бўлишини айтиб ўтган эдик. Шундай экан, биз мусулмонлар ҳукуматнинг халқнинг манфаатларига зид бўлган ва Хитойнинг иқтисодий кириб келишига эшикларни кенг очиб бераётган битим ва шартномаларга қарши туришимиз зарур. Қирғиз ҳукуматининг Россия чангалидан қутулиш учун Хитой томон юзланиши худди “ёмғирдан қочиб, дўлга тутилиш”дек гап.
Абдураҳмон Одилов
