Эй золим ҳукумат, муслима аёллардан қўлингни торт!
Қирғизистон миллий хавфсизлик давлат қўмитаси 12-ноябр куни Ҳизб ут-Таҳрир исломий сиёсий партияси мафкурасини тарқатувчи “аёллар қаноти”нинг яширин фаолияти фош этилгани тўғрисида хабар тарқатди.
Хабарга кўра, махсус хизмат вакиллари 14 октябрда ва 4 ноябрда беш кишининг турар жойида тинтув ўтказган. Натижада гумонланувчиларнинг экстремистик ташкилотга алоқадорлигини тасдиқловчи далиллар топилган.
Қайд этилишича, мазкур ҳолат юзасидан судгача иш қўзғатилиб, тергов ҳаракатлари олиб борилмоқда.
30 йилдан бери бир кетиб, ўрнини бошқаси эгаллаётган ва ҳар бир экстермистик йўллар билан ҳокимият тепасига келаётган қирғиз ҳукуматларининг барчаси бошқарувда сиёсий ва иқтисодий жиҳатдан боши берк кўчага кириб қолса, халқнинг амалдаги ҳукуматга нисбатан норозилиги кучайиб борган сари одамлар эътиборини экстремизм ва терроризмга қарши курашга буриши одатий ҳол бўлиб қолди. Бакиев, Атамбаев, Жээнбеков ўз бошқаруви даврида ўзининг сиёсий нўноқлиги сабабли мамлакатни инқироз ёқасига олиб келиб қўйган вақтда даъват юкини кўтариб чиққан мўмин ва мўминаларга қарши, ожиза муслималарга қарши курашни кучайтирган ҳақида мисоллар талайгина бўлиб, ўз вақтида бу ҳақида батафсил баёнотлар эълон қилинган.
Амалдаги ҳукумат, хусусан, Садир Жапаров ҳокимият тепасига келгунга қадар берган ваъдаларидан бирортасини бажармади. Мамлакатни қарз берувчи давлатга айлантириш у ёқда турсин, аксинча қарз ботқоғига тобора чуқурроқ ботириб боряпти. “Қумтор” олтин кони миллийлаштирилса хориждан қарз олишга эҳтиёж қолмаслиги ҳақида лоф урган Жапаров жорий йилнинг ўн ойи мобайнида халқ зиммасига яна 180 миллион доллар қарз юкини юклаб қўйди. Ўзбекистон билан “Кампиробод” сув омбори бўйича эришган келишувлар маҳаллий халқ томонидан кескин қаршиликка учраб, норозилик кайфияти кучайиб бориши ортидан Жапаров яна синалган усул “экстремизм” ва “терроризм”га қарши кураш қуролини ишга сола бошлади.
Жапаров режими мамлакатга миллионлаб ва ҳатто миллиардлаб зарар етказган амалдорларни “қустириш” эвазига озодликка чиқариб юборяпти. Ушбу “қустирилган” маблағлар қаерга сарфланаётгани борасида эса аҳолига бирор маълумот берилгани йўқ. Аммо, Роббим Аллоҳ дейишдан бошқа айби бўлмаган, инсон бу дунёга синов учун юборилгани, инсонинг яшашдан мақсади Аллоҳнинг розилигига эришиш эканлигини англаб етган ва бу йўлда инсонларни яхшиликка буюриб, ёмонликдан қайтариш йўлида ҳаракат қилаётган ожиза аёлларга қарши турли хил бўҳтонлар билан жиноят иши очиб, таъқиб қилишдан тўхтамаяпти.
Эй Садир Жапаров, сенга аввалгиларнинг тақдири ибрат бўлсин. Ожиза, мазлума муслималарнинг дуосидан эҳтиёт бўл, зеро мазлумнинг дуоси билан Аллоҳнинг ўртасида парда йўқ, покиза муслималардан қўлингни торт!
Аллоҳ таоло айтади:
وَالَّذِينَ يُؤْذُونَ الْمُؤْمِنِينَ وَالْمُؤْمِنَاتِ بِغَيْرِ مَا اكْتَسَبُوا فَقَدِ احْتَمَلُوا بُهْتَانًا وَإِثْمًا مُّبِينًا
“Мўмин ва мўминаларга, улар бирор нарса қилмасалар ҳам озор берадиганлар, батаҳқиқ, ўз устиларига очиқ бўҳтон ва гуноҳни олибдилар”. [33:58]
Туркистон
