Туркманистонда мусулмонлар ҳамон таъқиб қилинмоқда
Хабар: Туркманистоннинг айрим вилоятларида расмийлар соқол қўйган ва мунтазам равишда масжидга борувчи эркакларни яна таъқиб қилмоқда. Шу кунларда Болқон вилоятининг Туркманбоши шаҳрида Миллий хавфсизлик вазирлиги ходимлари соқолли эркакларга қарши рейдлар ўтказмоқда.
Ҳибсга олинганлар полиция бўлимларига олиб кетилиб, у ерда соқолларини олиб ташлашга мажбурланади. Бюджет ташкилотларида эса, айрим оғзаки буйруқларга кўра, ходимларга намоз ўқиш учун масжидларга бориш тақиқланади. Ушбу тақиқни бузганлар ишдан бўшатиш ҳақида огоҳлантирилади.
“Туркманбошида соқол қўйган ва масжидга ташриф буюрган эркакларни таъқиб қилиш яна кучайган. Кўпинча 50 ёшгача бўлган эркаклар таъқиб қилинади. Ўтган ҳафтада шунчаки кўркам кўриниш учун соқол қўйган, намоз ўқимаган, динга алоқаси бўлмаган ёшлар қўлга олиниб, 2-милиция бўлимига олиб кетилди. Улар Миллий хавфсизлик вазирлиги ва полиция томонидан сўроққа тутилган ва соқолларини олдиришга мажбурланган”, – деди соқол қўйгани учун полиция қўлига тушган Туркманбоши аҳолисидан бири.
Унинг сўзларига кўра, Миллий хавфсизлик вазирлиги ва милиция ходимлари ўз қилмишларига аниқ изоҳ бермаяпти. Аммо улар ярим сантиметрдан узун соқолли эркаклар диний экстремизм гумони остида қолишидан огоҳлантирмоқда. “Эркаклар соқолини олдиргандан сўнг, бундан буён ҳар куни қирқиб олишлари ҳақида тилхат олиб, Қуръонга қасам ичишади”, – дея қўшимча қилди Туркманбошиликлардан бири.
“Давлат ходимларига намоз ўқиш учун масжидларга бориш тақиқланган. Бу қандайдир оғзаки буйруқ билан амалга оширилади. Ташкилот раҳбарлари, одатда, ўз ходимларининг масжидга боришини хуш кўрмайдилар. Ушбу тақиқни бузганлар ишдан бўшатиш ҳақида огоҳлантирилади. Яқинда Туркманбоши шаҳридаги 26-мактабнинг хўжалик бўлими ходими масжидда аср намозини ўқиётган пайтда топилди. Тушлик танаффус вақтида масжидда бўлса ҳам, уни ишдан бўшатишди”, – дейди вазиятдан хабардор тарбиячи.
Изоҳ: Марказий Осиё респубилкаларининг мустабид президентлари Ислом ва мусулмонларга қаршу курашда “кимўзарга” пойга ўйнини давом эттиришмоқда. Гарчи Туркманистонда учта президент алмашган бўлишига қарамай, мамлакатнинг янги президенти аввалгилари изидан бориб қўшни республикаларда бўлаётгани каби Ислом ва мусулмонларга қарши курашини кучайтирса кучайтиряптики, асло ортга қайтиш, тавба қилиш ҳақида ўйлаб ҳам кўришмаяпти.
Мамлакатнинг биринчи презденти Сапармурод Ниёзов қаламига мансуб “Руҳнома” китоби нашр қилинганидан сўнг оммавий ахборот воситаларида “Туркманбоши”ни пайғамбар деб аташ бошланди. Ниёзов томонидан тез-тез эълон қилинувчи амнистияга тушиш шартларидан бири – маҳбуслар “Руҳномага” имон келтириши, уни тўлиқ ёд олиш эди. Бунга қарши чиққан туркманистонлик диний уламо Хожааҳмад Ўрозқиличев “Бу мусулмонлар эътиқодига зид” эканлигини айтган эди. Уламонинг шу сўзларидан сўнг туркман ҳукумати Ўрозқличев таржимасидаги туркман тилида чоп этилган 40 минг нусха Қуръонни ёқишга буйруқ берди.
“Туркманбоши”дан сўнг ҳокимият тепасига келган Гурбангули Бердимуҳаммедов ҳам Ислом ва мусулмонларга қарши курашни давом эттирди. Нафақат давом эттирди, балки янада кучайтирди. Бердимуҳаммедов бошчилигидаги режим нафақат уламо ва масжидларга қарши, балки жамиятда исломий кўринишларга қарши курашни бошлаб юборди. 2015-2016 йилларда ҳукумат буйруғига биноан Дошўғиз вилоятида куч органлари соқол қўйган мусулмонларга қарши “ов” олиб боришди. Миллий хавфсизлик бошқармаси ва йўл полицияси ходимлари соқол қўйган ва 50 ёшга тўлмаган мусулмон эркакларни ушлаб, махсус суҳбатдан ўтказиш ортидан, соқолларини мажбуран олиб ташлашган ва ҳатто уларни ароқ ичиб, чўчқа гўшти ейишга мажбурлашган эди. Куч органлари талабини бажармаган эътиқодли мусулмонлар эса ҳеч қандай суд ва терговсиз 7-8 йилга озодликдан маҳрум этилди.
2017-йилга келиб расмий ҳукумат мусулмонларга қарши курашини янада кучайтирди. Ҳукумат намозхон мусулмонларга қарши кураш доирасида намоз ўқиган қуролли кучлар ҳарбий хизматчилар ва намоз ўқишни ташлаш талабини бажаришдан бош тортган давлат хизматчилари ишдан бўшатилди. Уларга қарши турли моддий ва жисмоний тазйиқлар ўтказиш кенг тус олди. Ҳарбийлар намоз ўқишни ташлаш талабини рад этгани сабабли қуролли кучлар сафидан бўшатиб юборилган, уйларида тинтув ўтказилиб, Қуръон китоби ва бошқа исломий китоблар мусодара қилинди. 2021-Фарап ва Чоржўй этрапларида 20 га яқин диндорлар ҳибсга олинди. Уларнинг мажбуран соқоллари олдирилди, спиртли ичимликлар ичишга мажбур қилинди, шунингдек, полиция ҳибсга олинганларга нисбатан куч қўллади.
“От ўрнини той босар” деганидек, Бердимуҳаммедовдан ҳокимиятни мерос қилиб олган Сердар Бердимуҳаммедов ҳам отаси изидан бориб мусулмонарга қарши курашни давом эттирмоқда. Минтақадаги табиий ресурсларга энг бой бўлган давлатлардан бири Туркманистонда ишсизлик, озиқ-овқат танқислиги авжи паллага чиққан бир пайтда расмий ҳукумат инсонларни қийнаб келаётган муаммоларни ҳал қилиш ўрнига одамлар эътиборини Ислом динига қарши курашга буришга интилмоқда. Расмий ҳукумат нафақат мамлакат ичкарисидаги диндорларни назорат остида ушламоқда, балки мамлакатдан ташқарида таълим олаётган, ишлаётган ёш мусулмонлар давлат назоратидан ташқарида диний илм олишларига ҳам тўсиқ қўймоқда. Шу мақсадда туркман ҳукумати Туркияга мамлакат фуқаролари учун виза режимини жорий этишни илтимос қилди. Табиийки, Туркия ҳукумати ҳам мустабид режимнинг илтимосини қондириб, туркман фуқаролари учун виза режимини жорий қилди…
Мусулмонлари бирлашиб ўзларини ҳимоя қилувчи қалқонлари – Халифалик давлатини барпо этмагунларига қадар ҳар қандай разил ва тубан кимсалар Ислом ва унинг қадриятлари, мусулмонларга қарши курашни давом эттираверади. Мусулмонлар эса ўз динларига эмин-эркин амал қилиш имконидан маҳрум бўлиб қолаверадилар.
Саҳиҳи Бухорийда Абу Ҳурайра розияллоҳу анҳу ривоят қилган ҳадисда Росулуллоҳ соллаллоҳу алайҳи ва саллам:
“Халифа қалқондир, унинг ортида туриб жанг қилинади ва у билан ҳимояланилади”, деганлар (Имом Муслим ривояти).
Абдураҳмон Одилов
