Гончаров: МРБ глобал террорчи ташкилотга айланиб қолди
Россиянинг терроризмга қарши кураш бўлинмаси “Алфа” жангчилар халқаро ассоциациясининг собиқ фахрий раҳбари Сергей Гончаров АҚШнинг Марказий разведка бошқармаси (МРБ) глобал террорчи ташкилотга айланиб қолганлигини таъкидлади. “МРБни глобал террорчи ташкилот дея очиқ айтишимиз мумкин. Бу агентлик томонидан дунёнинг турли бурчакларида амалга оширилаётган ҳаракатлар зўравонликка асосланганини кўриб турибмиз. Улар ҳар қандай ҳаракатга, ҳатто қотилликка ҳам тайёр”, деди Гончаров.
Гончаровнинг таъкидлашича, “ИШИД” ва “Ал-Қоида”ни яратиш ортида АҚШ ва унинг разведкаси туради ва МРБ булардан ўз мақсадлари йўлида фойдаланиб келган. “Биз шунингдек, турли мамлакатларда жойлашган МРБнинг махфий қамоқхоналарида қўлланилган оммавий шафқатсиз қийноқлар билан боғлиқ сўнгги можароларни ҳам яхши биламиз…”, дея қўшимча қилди Гончаров.
Изоҳ: Америка Марказий разведка бошқармаси (МРБ) глобал террорчи ташкилотга айланиб қолган эмас, балки у биринчи тузилган куниданоқ глобал террорчи ташкилот сифатида дунёга келган. Унинг Абу Ғурайб қамоқхонасида амалга оширган террорларига бутун дунё гувоҳ бўлди. У ерда энг жирканч услублар билан ўлдириш, азоблаш ва зўрлаш орқали инсон ҳуқуқларининг барча турини поймол қилди. Шунингдек, Афғонистондаги Баграм ҳаво базасида яширин қамоқхоналар мавжуд бўлиб, у ерда МРБ мусулмонларни қўрқувга солиш, азоблаш, қийнаб ўлдириш каби жирканч жиноятларни амалга оширганлиги 2009 йилда фош бўлган эди. «Вашингтон пост» газетаси 2004 йил 17 декабрда Америка разведкасининг бир неча масъулларидан олган маълумотга таяниб, хабар қилишича, МРБ Гуантанамо қамоқхонаси ичкарисида маҳбусларни қийноққа соладиган баланд девор ва қалин кўк пластик сим тўрли яна бир қамоқхона қурган. «Ал-Ҳаёт» газетаси 2004 йил 14 сентябрда Британиянинг «Гардиан» рўзномасидан олган маълумотга таяниб ёзишича, МРБнинг терговчиларидан бири Гуантанамо қамоқхонасига бориб у ерда тайёрлаган ҳисоботида «Биз уруш жиноятларини содир этяпмиз» ва «Бу қамоқхонада маҳбус сифатида ушлаб турилган шахсларнинг ярмидан кўпроғи маҳбус бўлмаслиги лозим», деб ёзган ва бунга ишонч ҳосил қилганлигини билдирган. Аш-Шарқул Авсат газетаси 2009 йил 13 сентябр сонида МРБ тергов қилиш ва машғулотдан ўтказиш соҳасидаги шафқатсиз қийноққа солиш фикрларини Психатрия бўйича экспертлар Жим Митчел ва Брус Жейсиндан миллионлаган долларларга сотиб олганлиги ҳақида хабар қилган эди.
МРБ жуда кўп террорчилик жиноятларини парда ортида туриб, бошқа компаниялар номидан амалга оширади. Масалан Покистон, Ироқ ва Афғонистонда амалга оширган портлатиш, одам ўғирлаш каби террорларини Blaсkwater террорчи компания орқали амалга оширган. Blaсkwater ўз террорчилик амалиётларида МРБга бутунлай тобе бўлган махус компания бўлса-да, бироқ унга қарамлиги расмий жиҳатдан қайд қилинмаган.
Аксар ҳолларда террор амалиёти уюштиришни баъзи компания ва гуруҳлардан талаб қилади. Мисол учун, «Нpю-Йорк таймс» рўзномаси 2004 йил 9 июнда чиққан сонида Америка разведкасидаги масъул ходимларига таяниб ёзишича, Иёд Алавий ва унинг «Миллий вифоқ ҳаракати» МРБнинг талаби ва назорати остида Бағдоддаги ноҳарбий объектлар ва мадрасаларга қарши бир қатор портлатиш амалиётларини содир этган. Бир мадрасага қарашли автобусни портлатиб юбориши жуда кўп ёш болаларнинг ўлимига сабаб бўлган.
МРБ амалга оширган террорчилик жиноятларининг сон-саноғи йўқ. Лекин буларнинг барчаси ошкор қилинмайди, балки маҳаллий жиҳатдан ҳам, халқаро жиҳатдан ҳам яширилади. Манфаат талаб қилса, МРБ ўз халқига қарши террор уюштириши ҳам мумкин. 2001 йил 11 сентябр ҳодисаси тўғрисида бир гуруҳ таҳлилчи ва тадқиқотчилар эгизак биноларга бориб урилган самолётларни олиб қочиш амалиёти МРБ томонидан олдиндан тайёрлаб қўйилган режа асосида бўлган, деган хулосага келишган.
Шунингдек МРБнинг террорларидан унинг малайлари ҳам омонда қолмайди. Покистон раҳбарлиги АҚШга малай бўлишига қарамай, бош вазира Беназир Буҳуттони халқнинг кўз ўнгида МРБ томонидан портлатиб юборилди. Покистоннинг собиқ ҳарбий разведкаси бошлиғи генерал Ҳамид Гул бош вазира Беназир Буҳутто ўлдиришидан МРБ жавобгар эканини очиб ташлади. Шундан сўнг МРБ Ҳамид Гулни уни Покистондаги энг хавфли киши сирасига киритди.
Шуни ҳам айтиб ўтиш лозимки, бошқа давлатларнинг разведка ёки хавфсизлик хизматлари ҳам террорчиликда МРБдан қолишмайди. Гончаровнинг давлати бўлмиш Россиянинг Федерал хавфсизлик хизмати (ФСБ) Путин ҳокимиятини мустаҳкамлаш учун бир қанча қўпорувчилик амалиётларини амалга ошириб, тинч аҳолини қирғин қилганлиги, шунингдек, Россиядаги мусулмонларга, хусусан Қрим мусулмонларига нисбатан амалга оширган террорлари бунга очиқ мисол бўла олади. Бу ташкилот қанчадан қанча айбсиз мусулмонларни қатл қилди. Баъзи мусулмонларни ўз уйида, фарзандларининг кўз ўнгида отиб ўлдирди. Тун қоронғусида қанча-қанча уйларга бостириб кириб, оилалар қалбига қўрқув солди. Бу ва бошқа давлатлар, шу жумладан мусулмон давлатларнинг разведка ва хавфсизлик кучлари мусулмонларга нисбатан шу даражада паскашлик билан муомала қиладиган бўлиб қолганки, буларнинг қилиғидан ҳатто Исломнинг ашаддий душмани Абу Жаҳл ҳам ор қилган. Тарихда Абу Жаҳлга Росулуллоҳ с.а.в.нинг уйига эшикни бузиб, бостириб кириш ҳақида айтилганда у “Араблар мен ҳақимда Амр ибн Ҳишом Муҳаммаднинг уйига бостириб кириб, унинг қизлари қалбига қўрқув солди”, дейишларини асло истамайман”, дея жавоб берган эди.
Қиёмуддин Шариф
