بِسْمِ اللهِ الرَّحْمٰنِ الرَّحِيمِ
Шайх Жарроҳ райони Уммат ва унинг армиялари учун ҳужжатдир
Шайҳ Жарроҳда содир бўлган ҳодиса бутун Фаластин аҳлига, хусусан, Қуддус аҳлига қарши тўхтовсиз равишда содир этилаётган қатор азоб-уқубатларнинг навбатдагиси бўлди. Бу илгари 1948 йилда ўз ерлари ва уй-жойларидан кўчирилган оилаларга нисбатан қўлланилган навбатдаги кўчириб юбориш ҳодисасидир. Босқинчи яҳудий вужудининг хатти-ҳаракатидан шу нарса очиқ кўриниб турибдики, у Қуддус аҳлини ўз юртларидан қувиб чиқариш ва ўринларига келгинди яҳудийларни ерлаштириш учун уларни қувғин қилишда давом этади.
Шу боис, Шайх Жарроҳ районида содир бўлган ҳодиса муаммонинг туб ечими яҳудий вужудини илдизи билан қўпориб ташлашдан ҳамда Фаластин аҳлини ўз тупроқларига қайтаришдан иборат эканини, унга асло гуманитар муаммо сифатида қараб бўлмаслигини, худди Иордания режими Шайх Жарроҳ аҳолисига нисбатан қилгани каби яҳудий вужуди зўравонлиги натижасида келиб чиққан оқибатларга ечим беришдан ҳам иборат эмаслигини кўрсатиб турибди. Зеро, Иордания режими Фаластинни озод этиш ва аҳолисини ўзларининг шаҳар ва қишлоқларига, уй-жойларига қайтариш ўрнига, (UNRWA) билан ҳамкорликда 28 нафар оилани Қуддусга қочқин оилалар сифатида ерлаштириб, 1948 йилда босиб олинган ерлардан қувилган қочқинлик ҳуқуқидан маҳрум қилди. Мана, бугун яҳудий вужуди мана шу 28 оилани яна қувғин-тазйиқ остига олмоқда, Иордания режими эса, улардан воз кечиб, яна орқаларидан пичоқ уряпти, ҳатто кўчмас мулкларга эгалик ҳуқуқини тасдиқловчи ҳужжатларини ҳам бермаяпти.
Шайх Жарроҳ аҳли ўз уйларига эгалик ҳуқуқини тасдиқловчи ҳужжатга муҳтож эмаслар, чунки шундоқ ҳам улар шу заминнинг эгаларидир. Буни ўз уйларидан жилмай, мулкларини сабот билан ҳимоя қилиш билан, шунингдек, босқинчи яҳудий вужуди, кўчманчи ёвуз тўда ҳамда мустамлакачиларнинг нопок судлари қаршисида тик туриш билан исботладилар. Шунга қарамай, улар реал хавф остидалар. Чунки яҳудий вужуди уларни ўз уй-жойлари ва кўчмас мулкларига эгалик қилиш ҳуқуқидан воз кечган ҳолда вақтинча яшаб туриш ёки кўчиб кетиш вариантларидан бирини танлашга мажбурламоқда. Бугун мусулмон халқлар ҳукмдорларнинг хиёнат қилишаётганини, Фаластин масаласидан воз кечиб, яҳудийлар билан ҳамкорлик қилиш ва муносабатларни нормаллаштириш йўлига ўтишганини ҳамда зўравонлиги ва қароқчи яҳудий вужуди Шайх Жарроҳ аҳлига ва Ақсо масжидига қарши қандай қилмишларни содир этаётганини, ҳаммасини ўз кўзлари билан кўриб турибдилар. Шу боис, улар бу ҳукмдорларга қарши кўтарилмоқлари ва армиялардан Қуддус аҳлига ва муборак Ақсо масжидига нусрат-ёрдам беришни талаб қилмоқлари лозим. Ана шунда, Ҳиттин ва Айн Жолут маъракалари қайта бошланиб, босқинчиларни қувиб соладилар ва ушбу муборак заминни уларнинг ифлослигидан поклаб, фуқароларни уларнинг жиноятларидан, ёвузликларидан қутқарадилар.
Муборак Ақсо масжидини озод этиш учун бўлган ҳақиқий ҳаракат мустамлакачи давлатлардан ҳимоя сўраш билан ҳам, Хавфсизлик Кенгаши каби ташкилотлар йиғинини ўтказиш билан ҳам – чунки бу ташкилотлар инсонлар борасида на аҳдга ва на бурчга боқадиган йирик давлатлар қўлидаги қуролдир – шунингдек, қоралаш ва норозилик билдириш билан ҳам бўлмайди. Балки мусулмон юртлари армияларидан бу манфур яҳудий вужудини илдизи билан қўпориб ташлашни ва унинг ёмонлигидан мусулмонларни қутқаришни талаб қилиш билан бўлади. Бундан бошқа йўл тутилса, Ақсо масжиди яна яҳудийларнинг бостириб кириш ва ифлос қилмишларидан азоб чекаверади, Қуддус ва Фаластин босқинчилар оловида жизғинак бўлаверади.
Бу Ислом Уммати армиялари ва қўмондонларига қаратилган ҳайқириқдир. Бас, душман билан тил бириктирувчи бу қўрқоқ режимларга шунча итоат қилганингиз етар энди… Динингизга нусрат-ёрдам бериш, Пайғамбарингиз ﷺнинг Исро масканини ва биринчи қиблангизни озод этиш учун ҳаракатга келинг… Ҳаракатга келиб, яҳудийларни ўнлаб йиллардан бери ҳимоя қилиб келаётган барча зараркунанда давлатчалар ва хоин режимларни йўқ қилинг. Агар холис ният қилсангиз ва аҳд-паймон берсангиз, бу жуда осондир, чунки Аллоҳ сиз билан, У амалларингизни ҳаргиз бесамар кетказмайди.
يَا أَيُّهَا الَّذِينَ آمَنُواْ مَا لَكُمْ إِذَا قِيلَ لَكُمُ انفِرُواْ فِي سَبِيلِ اللَّهِ اثَّاقَلْتُمْ إِلَى الأَرْضِ أَرَضِيتُم بِالْحَيَاةِ الدُّنْيَا مِنَ الآخِرَةِ فَمَا مَتَاعُ الْحَيَاةِ الدُّنْيَا فِي الآخِرَةِ إِلاَّ قَلِيلٌ + إِلاَّ تَنفِرُواْ يُعَذِّبْكُمْ عَذَاباً أَلِيماً وَيَسْتَبْدِلْ قَوْماً غَيْرَكُمْ وَلاَ تَضُرُّوهُ شَيْئاً وَاللَّهُ عَلَى كُلِّ شَيْءٍ قَدِيرٌ
«Эй мўминлар, сизларга нима бўлдики, Аллоҳ йўлида (жиҳодга) чиқинглар, дейилса, ўз ерингизга (яъни, юртингизга) ёпишиб олдингиз?! Охират (неъматлари)дан юз ўгириб, ҳаёти дунё (лаззатлари)га рози бўлурмисиз?! Охират олдида бу дунё матоси жуда оз нарса-ку?! Агар (жиҳодга) чиқмасангизлар, (Аллоҳ) сизларни аламли азоб билан азоблар ва ўрнингизга бошқа бир қавмни келтирур. Сизлар эса У зотга бирон зиён етказа олмайсиз. Аллоҳ ҳамма нарсага қодирдир» [Тавба 39]
Роя газетасининг 2021 йил 12 май чоршанба кунги 338-сонидан
