بِسْمِ اللهِ الرَّحْمٰنِ الرَّحِيمِ
Умматнинг онг-савиясини ошириб, унинг зиммасига Халифаликни қайта барпо этиш жавобгарлигини юклаш
Ҳизб ут-Таҳрир – Судан вилояти Халифалик қулатилганининг юз йиллиги хотирасида «Умматнинг онг-савиясини ошириб, унинг зиммасига Халифаликни қайта барпо этиш жавобгарлигини юклаш» номли ҳафталик форумни бу сафар Умму Дўрмон телеканали студиясида ўтказди. Унда бир қатор сиёсатчилар, муфаккирлар, журналистлар ва оммавий ахборот воситаси ходимлари қатнашди. Шу ҳақда журналист Муҳаммад Мабрук Суданда чиқадиган «Ахборул Явм» газетасининг якшанба кунги сонида бундай дейди: «Форумда қатнашиш иштиёқим янада ошди. Чунки Ҳизб ут-Таҳрир ёшлари қуруқ гапларни гапирмайди ва сохта шиорларни кўтариб чиқмайди. Аксинча, ғояларига эришиш учун ўзига хос ёндашувга ва қатъий қарорга эга бўлиб, айрим оммавий ахборот воситаларининг ҳужумларидан мутлақо заифлашмайдилар».
Шанба кунги форумда доктор Абдураҳмон биринчи маърузада усул қоидаси ҳақида сўз юритди. Яъни, сиёсий фаолият натижа бериши учун у албатта Ислом манҳажига асосланмоғи кераклигини таъкидлади. Доктор Маккадаги исломий даъватнинг Мадинада давлат барпо этилгунгача бўлган босқичини шарҳлаб, бу босқич адолатга асосланган давлатнинг бошқарув асосларини мустаҳкамлади, деди. Доктор араб баҳори ва бошқа қўзғолонларнинг тез орада жиловланиб қолгани ҳақида гапирар экан, «ҳақиқий ўзгариш учун аниқ йўлга эга соғлом мафкура керак, биргина эҳтироснинг ўзи кифоя эмас, мустамлакачи Ғарб йўлига эргашиш зулм ва жаҳолат бўлиб, Уммат аҳволини тузатолмайди, балки бунинг бирдан-бир йўли Пайғамбарлик минҳожи асосидаги Исломий Халифаликни қайта барпо этишга ва битта имом-халифа сайлашга қаратилган сиёсий фаолият олиб боришдир», деди. Иккинчи маъруза адвокат Аҳмад Абкарга берилди. У маърузасида ўзгариш таянчлари ёшлар экани, бу ишга етакчилик қилиш учун ҳақиқий куч ёшлардалигини таъкидлади. Форум қатнашчилари томонидан берилган саволларга бу икки маърузачилар батафсил жавоб беришди. Жумладан, бу иш қудрат ва нусрат аҳлидан ёрдам олишни талаб қилар экан, нега Ҳизб ут-Таҳрир армия вазифаси билан шуғулланмайди? деган саволга бундай жавоб қилинди: Ҳизб ут-Таҳрир даъват манҳажига ва яхши мавъизага таянади. Чунки давлат, яъни, Пайғамбарлик минҳожи асосидаги Халифалик давлатини барпо этиш учун ягона йўл мана шу гўзал насиҳатдир.
Роя газетасининг 2021 йил 3 март чоршанба кунги 328-сонидан
