Туркманистонда “итбоқар” унвонлари таъсис этилди
Туркманистон парламенти “Хизмат кўрсатган итбоқар” ва “Халқ итбоқари” фахрий унвонларини таъсис қилиш тўғрисидаги қонун лойиҳасини қабул қилди.
Маълум-ки, бунгача президент Бердимуҳамедов Алабайлар ҳақида китоблар ёзган ва ушбу ит зотига шеър ва қўшиқлар бағишлаган.
Изоҳ: Хазарати Умар розияллоҳу анҳу халифалиги даврида Мадинада кучли қурғоқчилик бўлди. Осмондан бир томчи ёмғир ёғмади, шунинг учун ҳосил ҳам кам бўлди. Натижада Мадинада очарчилик бошланди. Ҳазрати Умар одамлар қийналаётганини кўриб, эзилар ва кўпинча кетма-кет рўза тутиб, оқшом озгина зайтун мойи ва қотган нон ейиш билан чекланар эди. Умар розияллоҳу анҳу ўрнидан турганида тўни йиртиқ, қорни эса очликдан “қурул”ларди. Шунда у қорнига қараб: “Эй қорним! Хоҳла қурулла, хоҳла қуруллама, токи мусулмон гўдаклар тўймагунича сени тўйғизмайман!,- дер эди… Бу раҳбарликни мансаб эмас, балки масъулят ва жавобгарлик деб билган Хулафои рошидинлар эгаллаган мавқе эди.
Ҳозирги дунёвий давлат эканлигини иддао қиладиган мамлакат раҳарлари эса ўзлари эгаллаб турган мансабдан фойдаланиб халқни эзиш, халқ ҳисобидан фарзандлари ва невара-чевараларигача етадиган бойлик тўплаш, уруғ-аймоғларини “ёғлироқ” жойларга жойлаштириш ҳамда ўз келажакларини таъминлашдан бошқа ғам-ташвишлари йўқ. Халқ ўладими, қоладими буни уларга аҳамияти йўқ.
Беш миллион аҳолиси бўлган ва табиий газнинг улкан (дунёда тўртинчи) захираларига эга бўлган Туркманистонда мана қарйиб тўрт йилдан бери давом этаётган иқтисодий инқироз натижасида фуқароларнинг иқтисодий аҳволи ёмонлашди, озиқ-овқат таъминотининг етишмаслиги вужудга келди. Кўплаб ҳудудларда ун, нон, товуқ гўшти, шакар ва ўсимлик ёғи таққчиллиги кучайди. Юзлаб одамлар бу маҳсулотларни сотиб олиш учун дўкон олдида соатлаб навбатда туриши оддий ҳолга айланди. Бир одамга фақат икки буханка нон сотиб олишга рухсат берилди. Ҳатто давлат дўконларида нонни фақат оила аъзолари сонини тасдиқловчи маълумотнома асосида сотиш тартиби жорий этилди. Иқтисодий ва озиқ-овқат инқирозининг тобора кучайиши натижасида аҳоли ўз мавжудлигини сақлаб қолиш учун турли хил усулларни ихтиро қилишга мажбур бўлмоқда. Баъзилар ўз қонини сотиш (донорлик) орқали пул топиш йўлига ўтган бўлса, имкони йўқлар тиланчилик қилиш, ахлатхоналарни титкилаш ва ҳатто ўз танасини сотишгача етиб бормоқда. Аммо, “арқадағ” унвонини Гурбангули Бердимуҳамедов эса ўзини “муқаддаслаштириш” билан банд. У бирин-кетин китоблар ёзди, пойга машиналарини ҳайдаш бўйича маҳорат дарсларини намойиш этди, хавфсизлик хизматчиларига ўқ отишни, дехқонларга қишлоқ хўжалиги билан шуғулланишни ўргатади, турли-туман янги байрамлар ўйлаб топиш билан овора. 2020-йил 10-ноябр куни Ашхободда Алабайга атаб баландлиги 15 метрли улкан олтин ҳайкал ўрнатди. Аввал ҳам айтганимиздек, бу президентлар қилаётган ишларга қараб туриб, уларнинг ақлан соғломлигига ҳам шубҳа қила бошлайсан.
Эй мусулмонлар, сизлар ишларингизни ғамхўрлик ва адолат билан бошқарадиган, сизларни бу дунёда хотиржамлик ва фаровонликка олиб чиқадиган, охират саодатига етаклайдиган раҳбар устиларингда бош бўлишини хоҳласизми, у ҳолда Халифалик давлатини тиклаш йўлида бор имкониятиз билан ҳаракат қилинг. Халифа халқ устидан бўлган раҳбарликни мансаб ёки амал деб эмас, балки жавобгарлик ва масъулият сифатида қабул қилади ва бунинг учун Аллоҳнинг олдида жавоб бериши кераклигини билади.
Пайғамбаримиз Муҳаммад соллаллоҳу алайҳи ва саллам дедилар:
“Барчангиз раҳбарсизлар ва ўз қўл остидагиларингиздан сўралурсизлар. Одамлар устидан турган имом раҳбардир ва у ўз қўл остидагидан сўралур. Эр киши ўз аҳли байтида раҳбардир ва у ўз қўл остидагидан сўралур. Аёл киши эри ва (эрининг) Ўғли уйида раҳбардир ва у ўз қўл остидагидан сўралур…”. (Бешовлари ривоят қилганлар).
Абудраҳмон Одилов
