Қирғизистон Суриядан ўз фуқароларини олиб келади
Қирғизистон ҳукумати Суриядаги фуқароларининг биринчи қисмини олиб келади. Бу ҳақда Қирғизистон Адлия вазирининг ўринбосари Марат Канулқулов парламентнинг умумий мажлисида айтиб ўтди.
Депутатларнинг саволларига жавоб берган Канулқуловнинг таъкидлашича, ҳукумат бу ҳақда буйруқ чиқарган. Қарорга кўра ватанига қайтишга қодир бўлмаган Суриядаги фуқароларни махсус делегация бориб олиб келади. Шунингдек, Адлия вазирининг ўринбосари Сурия ва Ироқ билан Қирғизистон ўртасида маҳбусларни экстрадиция қилиш тўғрисида келишув мавжуд эмаслигини, шу сабабли, ватанида бундай жазони ўташ учун шароит яратишнинг ҳозирча имкони йўқлигини билдирди.
Таъкидлаш жоизки, Сурияда уруш бошланганда халқаро кучлар Туркия орқали Сурияга ўтиш учун корридор очиб берган эди. Раҳбарлар ўз мамлакатларидан кетаётган мусулмонлар оқимига кўз юмдилар ва уларни халқаро сиёсат қўлига топширдилар.
Бугунги кунда Суриядаги вазият ўзгарди, яъни ушбу муҳожирларнинг Америка манфаатларига хизмати тугаганлиги сабабли, АҚШ ҳозирда ҳибсга олинган муҳожирларни ватанига қайтаришга ҳаракат қилмоқда. Бу билан улар яна ўзларининг манфаатларига хизмат қиладиган “ҳужайраларни” яратишга ҳаракат қилишади. Айни пайтда Россия Суриядан қайтиб келган муҳожирларни терактлар уюштиришда айблаб, Исломни хунук қилиб кўрсатишга ҳаракат қилмоқчи кўринади.
Бундан аввал АҚШ Қирғизистонни Суриядаги фуқароларини олиб чиқишга ундаган бўлса, Россия бунга қаршилик қилиб келарди. Чунки ҳукуматнинг заифлиги туфайли АҚШ юзага келтириши мумкин бўлган тартибсизликларни назорат қила олмасди. Бугунги пайтда ҳукуматга қарши норозилик намойишини мусулмонларга қарши кураш томонга йўналтиришга Россия учун қулай фурсат туғилганга ўхшайди. Демак, Қирғизистон мусулмонлари ҳукуматнинг сўнгги пайтлардаги мусулмонларга қарши ҳаракатларини диққат билан кузатиб боришлари ва уларни мустамлакачилар тузоғига тушиб қолмасликка чақиришлари лозим! Зеро Ислом назарида бир мусулмоннинг қони Каъбадан ҳам муқаддасдир. Аммо Мусулмонларнинг қони кофир мустамлакачилар учун ҳеч қандай қадр-қийматга эга эмас! Улар учун уруш ва бошбошдоқликлар ортидан ўз таъсирини сақлаб қолиш ва мусулмон халқининг бойликларига эгалик қилиш муҳимдир!
Мумтаз Маверанаҳрий
