Бишкекда бош қонунни ўзгартирилишига қарши юриш бўлиб ўтди
8 –наябр куни Бишкекда «баш мыйзам учун» деб аталган норозилик юриши бўлиб ўтди. Намоишда 20 дан зиёд жамоий фаоллар қатнашиб, улар “Конституцияга тегманг” деб ёзиб олишган варақалар билан марказий майдонга кириб келишди. Шунингдек 2020-йили 20-декабр куни бўлиб ўтиши керак бўлган парламент сайловини ўз вақтида ўтишини талаб қилишди.
22-октябрда “жогору кенеш” конституцияни ўзгартириш ва президентлик, парламентлик сайловлари вақтини ортга жилдириш ҳақида қонун қабул қилишган эди.
Қирғизистон яна президент бошқарув системаси томон йўнала бошлади. Парламент бошқарув системаси инқирозга юз тутиб, бу тизим ҳам, мамлакатимиз учун ҳеч қандай манфаат келтира олмади. Бизнинг сиёсий доира парламент бошқарув тизимини Ғарб (Европа) давлатларидан кўчириб олган эди. Кўчириб олаётиб уларнинг иқтисодий ривожланиш тизимига, аҳолисининг яшаш даражаси, демократияга моиллик даражаси ва шунингдек уларнинг дини ва минталитетига эътибор беришмади. Натижада Ғарб билан Россия ўртасида фуқороларимиз икки тоифага бўлиниб, улар ўртасида ҳозирча фикрий кескинликлар пайдо бўлиб, тоборо кучаб бораяпти.
Собиқ режим вакиллари “Президентлик бошқарув тизимига қайтишимиз, мамлакатимизни Ғарб сақофий экспанциясидан сақлаб қолиши мумкин” деб умид қилишяпти. Ғарб дунёқарашидан тасъсирланган ғарбпараст кучлар эса, аксинча, парламентлик бошқарув тизимини сақлаб қолмоқчи.
Қирғизистон халқи ҳар икки режим остида яшаб кўрди. Ҳар икки режим мамлакатимиз учун улкан иқтисодий зарар, сиёсий инқироздан бошқа ҳеч қандай манфаат олиб келмади. Энди бу режим тарафдорлари яна халқни жумбушга келтириб, икки дунёқараш ўртасида Қирғизистон ҳалқини сақофий бўлинишга тортиб боришяпти
Аслида президент бошқаруви ҳам, парламент бошқаруви ҳам демократия ақидасига асосланган капиталистик мабданинг икки бутоғи бўлиб, ҳар икки бошқарув тизими бизнинг мамлакатимиз учун мустақиллик, хотиржамлик, осойишталик ва иқтисодий фаровонлик олиб кела олмайди.
Фуқороларни бир бири билан фикрий ва моддий ҳатто ҳарбий тўқнашувларга олиб бораётган бу робиталар, аслида халқаро сиёсатдаги икки йирик (шарқий ва ғарбий) лагердан қолган сиёсий доиралар ўртасидаги сиёсий кураш ва сақофий талашувдан ўзга нарса эмас. Улар бизнинг юртларимизда сақофий таъсир қувватларини кучайтириб олиш йўли билан мамлакатимизни сиёсий, иқтисодий мустамлака қилишади. (Югославия, Украина… сингари)
Қирғизистонда президентлик сайлови, ундан кейин конституцияни ўзгартириш референдуми, унинг ортидан яна парламент сайлови ўтиши кутиляпти. Сайловлар ҳар сафар кескинликлар, давлат ағдариш билан якун топаётганига караганда, вазият яна кескинлашиш хавотири бор. Лекин бу сафар габпараст кучлар жиддийроқ бош кўтариши кутиляпти. Уларда ҳозирча ҳокимиятни эгаллаб олишга яроқли сиёсий доира тўла шаклланиб битмаган бўлса ҳам, улар давлатда салмоқли сиёсий мавқеларни эгаллаб боришяпти.
Украина ва Белорусия бошидан кечириб келаётган бу кескинликлар, энди бизнинг юртларимизга ҳам кириб келяпти. Ғарб мустамлакачилари Россия ёки Хитой сингари йирик давлатлар билан ўлжа талашишлари, яъни бизнинг юртларимиздаги манфаат талашиш курашларида биз Мусулмонлар учун ҳеч қандай хайр ёки манфаат йўқ! Фақат хатар ва ҳар томонлама зарар, талон-тарожлик, диний, ирқий, миллий кескинликлар, фуқоролар уруши каби бетайинликлардан бошқа нарса кўринмайди.
Биродарлар, ҳар иккиси ҳам куфр бўлган бу тарафларнинг бирор томонида туриб қолишдан эҳтиёт бўлайлик. Жамиятда Исломий мабдаий онгни тарқатиб бориш орқали исломий сиёсий доира пайдо қилиб, куфр манфаатларини юртларимиздан шу доира ва иймоний муҳит қуввати билан қувиб чиқаришга ҳисса қўшишга шошилайлик. Юртларимиз исломий сиёсий доира етакчилигига муҳтож! Барча етакчиликни бошимиздан кечириб кўрдик. Уларнинг бирортасида офият, хайр топа олмадик! Ҳар қандай куфр бошқаруви бир-биларимизнинг обрўйимиз, қонимизни тўкишимизга арзимайди. Аллоҳ ва унинг Росулининг йўлидан бошқа йўллардан умид қилишдан Аллоҳнинг ўзи асрасин!
Абдураззоқ Мўъмин.
