بِسْمِ اللهِ الرَّحْمٰنِ الرَّحِيمِ
Ҳизб ут-Таҳрир Судан вилояти расмий нотиғининг «Константинопол фатҳи» номли конференцияда сўзлаган нутқи
Яратиш ишида мақтовга сазовор, қўшинлари ғолиб, мартабада улуғ, зўравонларни синдирувчи, гердайганларни хорловчи ва бир оздан кейин бўлса-да, мўминларга ёрдам берувчи Аллоҳга ҳамд бўлсин…
Оламларга раҳмат қилиб юборилган, мужоҳидлар имоми, авалгию охиргилар саййиди бўлган Пайғамбаримизга, У Зотнинг оиласи ва асҳобларига, қиёматгача У Зотга эргашганларга Аллоҳнинг салоту саломи ёғилсин…
Ҳурматли меҳмонлар, сизларга Аллоҳнинг саломи, марҳамати ва баракоти бўлсин…
Биз ҳабибимиз Муҳаммад ﷺнинг:
«لَتُفْتَحَنَّ الْقُسْطَنْطِينِيَّةُ فَلَنِعْمَ الْأَمِيرُ أَمِيرُهَا وَلَنِعْمَ الْجَيْشُ ذَلِكَ الْجَيْشُ»
«Албатта Константинопол фатҳ этилади, унинг амири нақадар яхши амир ва унинг қўшини нақадар яхши қўшиндир», дея айтган башоратларидаги Константинопол фатҳи хотирасини қайта жонлантирар эканмиз, мақсадимиз ушбу хотира ҳақида чайналиш эмас. Балки мақсад ҳимматни ошириш ва рижолларни уйғотишдир. Хусусан, Исломий Халифалик давлати соясида азиз ва ғолиб бўлганлари ортидан мусулмонларнинг айни пайтда тушиб қолган хорлик ҳолатидан бедор бўлаётган рижолларни уйғотишдир. Зеро, Халифалик давлати динни ҳимоя қилди, Ислом ва мусулмонлар дахлсизлигини сақлади, барча халқлар орасида адолат ва раҳматни ёйди ҳамда одамларни куфр ва ширк зулмидан Исломнинг ёрқин нурига чиқариш учун ҳаракат қилди. Халифалик қулаганда эса, мусулмон юртлар тақсимланди. Олдин бошқарув, сиёсат, иқтисод ва бошқа соҳаларда Аллоҳнинг китоби, Росулининг суннати, ижмоъ ва қиёс мурожаат қилинадиган асос бўлган бўлса, энди эса юртлар илмоний капиталистик низомлар билан бошқариладиган бўлди. Балки рувайбиза ҳокимлар даврида мустамлакачи кофир мусулмонлар тақдирини ҳал этадиган хўжайинга айланди. Чунки рувайбиза ҳокимлар Умматнинг ишини ва мусулмон юртлар ишини тўла кофир мустамлакачига топшириб қўйишди. Натижада, мусулмонлар азиз ва ғолиб бўлганларидан кейин хор ва жирканч аҳволга тушиб қолдилар.
Биз Пайғамбаримиз ﷺ ва У Зотдан кейинги халифалар давридаги ҳолатга қайтишимиз учун Ислом асосидаги салтанатимизни қайта тиклашимиз ва ла илаҳа иллаллоҳ Муҳаммадур Росулуллоҳ байроғи остида юртларимизни бирлаштиришимиз лозим. Чунки Ислом – Ислом ва мусулмонлар устидан ҳукмрон бўлиш учун мустамлакачи томонидан пайдо қилинган миллий давлатчаларда татбиқ қилинмайди. Мусулмонларнинг шаръий давлати Халифалик давлатидир ва у ватанпарварлик ёки миллатчилик ёки бошқача давлат эмас. Воқе Исломни бу давлатчаларда барча низомлари билан тўлиқ татбиқ қилиб бўлмаслигини кўрсатиб турибди. Айрим исломий ҳаракатлар буни тажрибада синаб кўришди. Лекин муваффақиятсизликка учрашди. Чунки бу йўл Пайғамбаримиз ﷺнинг Ислом салтанатини тиклашдаги тариқатларига зиддир.
Исломий Халифалик давлатини тиклаш тариқати бир нечта эмас, балки ягонадир. У ҳам бўлса, Пайғамбаримиз ﷺнинг Мадинаи Мунавварада биринчи давлатни тиклашда юрган тариқатларидир. Зеро, у зот аниқ босқичларни босиб ўтдилар ва ушбу фарзни тиклаш учун мусулмонлар бошқа йўллардан фойдаланса бўлади демадилар. Шунинг учун Ҳизб ут-Таҳрир биринчи кунидан бугунгача мана шу тариқатни маҳкам тутиб келди. Ҳолат ва шароитлар қанчалик ўзгармасин, бу тариқатдан заррача оғишмади. Чунки Ҳизб Уммат билан Пайғамбарлик минҳожи асосидаги рошид Халифаликни тиклаш орқали исломий ҳаётни қайта бошлашдек ғоясига етгунича мана шу тариқатда сабот билан ҳаракат қилмоқда.
Албатта Ҳизб ут-Таҳрир ҳабибимиз Муҳаммад ﷺ юрган босқичларни босиб ўтар экан, Аллоҳнинг фазли билан ўша босқичларни тўла босиб ўтди. Бугун у учинчи босқичнинг охирида турибди. У ҳам бўлса, Халифалик жамоатчилик фикрига айланганидан кейин, қувват ва ҳимоя аҳли орқали бошқарувни қўлга олишдир. Уммат бугун Пайғамбарлик минҳожи асосидаги рошид Халифалик тикланиши орқали отадиган тонгни кутмоқда.
Биз ушбу минбардан туриб, барча мусулмонларни, хусусан уламолар ва исломий даъват майдонида фаолият қилаётган кишиларни бизга ёрдам беришга чақирамиз. Токи, куч ва ҳимоя аҳли Пайғамбарлик минҳожи асосидаги рошид Халифаликни тиклаш орқалигина бўладиган исломий ҳаётни қайта бошлашга бутун Уммат аҳд қилганини кўрсин.
Шунингдек, ушбу юртдаги куч ва ҳимоя аҳлидан Умматни мустамлакачи кофирга тобеликдан халос этишда Ҳизб ут-Таҳрирга ёрдам беришларини сўраймиз. Шунда Аллоҳ ансорлардан рози бўлганидек, улардан рози бўлади. Зеро, ансорлар Росулуллоҳ ﷺга байъат қилиб, нусрат беришган. Росулуллоҳ ﷺ уларнинг ёрдамида бутун инсониятнинг саодатли бўлишига сабаб бўлган биринчи Ислом давлатини қурдилар. Аллоҳ Таоло айтади:
وَالسَّابِقُونَ الْأَوَّلُونَ مِنَ الْمُهَاجِرِينَ وَالْأَنْصَارِ وَالَّذِينَ اتَّبَعُوهُمْ بِإِحْسَانٍ رَضِيَ اللَّهُ عَنْهُمْ وَرَضُوا عَنْهُ وَأَعَدَّ لَهُمْ جَنَّاتٍ تَجْرِي تَحْتَهَا الْأَنْهَارُ خَالِدِينَ فِيهَا أَبَداً ذَلِكَ الْفَوْزُ الْعَظِيمُ
«Муҳожир ва ансорларнинг биринчи пешқадамлари ва уларга чиройли амаллар билан эргашган зотлар — Аллоҳ улардан рози бўлди ва улар ҳам Ундан рози бўлдилар. Яна (Аллоҳ) улар учун остидан дарёлар оқиб турадиган, улар абадий қоладиган жаннатларни тайёрлаб қўйди. Мана шу буюк бахтдир» [Тавба 100]
Биз сизларни дунёдаги азизлик ва охиратдаги шарафга чақирамиз. Эҳтимол Аллоҳ Таоло Росулуллоҳ ﷺнинг Пайғамбарлик минҳожи асосидаги рошид Халифалик тикланиши ҳақидаги башоратларини сизлар орқали рўёбга чиқарар ва сизлар ушбу улуғ шарафга эга бўларсизлар. Пайғамбарлик минҳожи асосидаги иккинчи рошид Халифалик исломий ҳаётни қайта бошлаш, ичкарида Исломни татбиқ қилиш ва уни ташқарига олиб чиқишнинг ягона йўлидир. Шунингдек, у бошқа башоратлар, яъни муборак заминдан яҳудийларни қувиб чиқиш ва Римни фатҳ қилиш каби башоратларни рўёбга чиқаришнинг ягона ва шаръий йўлидир.
لِمِثْلِ هَذَا فَلْيَعْمَلِ الْعَامِلُونَ
«Бас, амал қилгувчилар мана шундай (мангу бахт саодат) учун амал қилсинлар!» [Соффат 61]
Вассаламу алайкум ва роҳматуллоҳи ва барокатуҳ.
Ҳизб ут-Таҳрирнинг Судандаги матбуот бўлими
