Чегарадаги жанжал борасида томонлар бир-бирини айблади, аммо хақиқий айбдор ким
Қирғиз-тожик чегарасида 10 январга ўтар кечаси содир бўлган можаро борасида
Тожикистон чегара хизмати Қирғизистон фуқораларини айблади.
Бундан аввал эса Қирғиз чегара хизмати Тожикистон фуқораларини
айблаган эди. Унга кўра, Баткен
райони Жака-Ўрик деган ерда Қирғиз фуқоролари автомобили номалум
одамлар томонидан тошбўронга олинган ва номаълум шахслар воқеъадан кейин
Тожикистон худудига кириб кетишган. Орган ходимларининг билдиришича, машина
ойналари синдирилган, одамлар орасида жабрланганлар бўлган. Яна ушбу махкама
хабарига кўра, ўша кеч яна бир Қирғиз оиласининг уйи тошбўрон қилинган. Жабрланган
уйни кўриш учун бораётган орган ва чегарачи ходимларга ов милтиғидан ўқ
отилган.
Аммо Тожикистон тарқатган маълумотга кўра, Кўктош қишлоғи аҳолиси вакилларидан бир гуруҳи тўпланиб, йўлдан ўтаётган Тожикистон фуқаролари ҳаракатланишига тўсқинлик қилган, Тожикистон фуқароси машинасини тошбўрон қилган. Шундан сўнг Тожикистон фуқаролари қирғизистонликлар автомобилларини тошбўрон қилган. Шунингдек, Тожикистон тарафи қирғизистонликлар икки марта овчи милтиғидан ўқ отганини иддао қилди.
Тахлил: Қирғизистон ва Тожикистон томонлари бир бирини айблаётиб, бир бирларини тошбўрон қилишдан хар икки томонга қандай манфаат борлиги хақида ўйлаётганлари йўқ! Икки миллат бир бирини тошбўрон қилишдан қандайдир моддий ёки маънавий манфаат ва мақсад бўлиши керак!
Қирғиз ва Тожик томонларининг бири иккинчисини тажоввузкорликда айблаётганига қарасак, бу иш хар икки миллат томонидан хам амалга оширилмаган деган гумонимиз тасдиқини топади. Демак хар икки томонга қарши минтақада учунчи провокатор кучлар иш олиб бораяпти. Оддий халқ учун бундай провокациялардан хеч қандай манфаат йўқ! Аксинча бу кескинликлардан фақат оддий халқ ва миллат зарар кўради!
Абдураззоқ Мўъмин.