Халқаро Валюта Фонди тавсияларига бўйсуниш катта жиноятдир
2019 йил 22 ноябрда парламентда 2019 йилдаги қўшимча молиявий қонун ва 2020 йилгача бўладиган молиявий қонун лойиҳасини ўрганувчи муваққат молиявий комиссияни тинглаш сессияси бўлиб ўтди. Унда молия вазири Ризо Шалғум парламент ва келгуси ҳукумат икки танлов қаршисида турганини айтди. Унга кўра, ё ёқилғи нархларини ошириш ёки ташқаридан қарз олиш керак. Вазир бу билан Тунис халқини халқаро молиявий ташкилотларга боғланиб қолиш олови билан баланд нархлар ва қимматчилик гулҳани орасига солиб қўйди.
Молия вазири ишора қилган камомад ва боғланиб қолиш танловлари тинимсиз алмашаётган ҳукуматларнинг сиёсий иродасизлиги ва ташқи кўрсатмаларга бўйсунишини кўрсатмоқда. Чунки давлат олиб бораётган қарз олиш сиёсати мамлакатни тубсиз қарз уммонига ғарқ қилган. Давлат қарзи 82,6 миллиард доллардан ортиб кетган. Бу ялпи ички маҳсулотнинг 71,1 %ига тенгдир. Бу эса Ғарб давлатларининг мамлакат ва унинг иқтисодий бойликлари устидан ҳукмронлик қилишига олиб келган. 2019 йил 8-11 октябр кунлари Халқаро Валюта Фондининг элчиси Тунис давлати қанчалик ислоҳотлар ўтказаётганини кўриш ва келгуси йил бюджети борасида ҳукумат билан баҳс мунозара қилиш учун Тунисга ташриф буюрган. Элчи Тунис давлатидан нархлар борасидаги “Автоматик ўзгартиришлар” доирасида ёқилғининг нархини даражама-даража оширишни талаб қилган. Бу ўзгартиришлар борасида 2016 йили ҳукумат ва Халқаро Валюта Фонди ўртасидаги имтиёзли кредит келишувлари тузилганда айтилган эди. Бугун фоизлар миқдори 24 %ни ташкил қилади ва 2020 йилда яна шунча қўшилиши кутилмоқда.
Биз Ҳизб ут-Таҳрир – Тунис вилояти аъзолари тинимсиз алмашаётган ҳукуматларни Халқаро Валюта Фонди ортидан чопишнинг ёмон оқибатларидан кўп марта огоҳлантириб келдик. Шунингдек, уларга бу ишларнинг Ислом ҳукмларига зид экани ҳамда жамият, иқтисод ва юрт етакчилигига бўлган ёмон таъсирларини айтганмиз. Лекин улар Халқаро Валюта Фондининг тавсиялари ва ўлдирувчи дозаларини қабул қилиб келишди. Натижада аҳвол шу даражага етдики, бунга изоҳнинг ҳожати йўқ.
Бугун Тунисдаги аҳлимизга холис насиҳат қилар эканмиз, уларга нарх ва солиқларни ошириш сизлар учун фалокатдир, деб айтамиз. Агар давлатнинг ўз халқига нисбатан олиб бораётган оч қўйиш ва қашшоқлаштириш сиёсатига рози бўлсангиз бу нарса тўхтамайди. Балки аҳвол бундан ҳам ёмонлашиб бораверади. Чунки Халқаро Валюта Фонди табиий бойликларни эгаллагач, қолган бойликларни ҳам тортиб олиш учун босим қилаверади.
Эй Тунис аҳли: сизлар ҳукуматни энг катта мункар ҳисобланмиш ажнабийга бўйсуниш ва ортидан эргашиш сиёсати борасида муҳосаба қилишингиз лозим. Шунингдек, бузуқ капиталистик низомдан нафратланишингиз ва Исломни ҳаётга қайтариш орқали тақдирий масалангизни ҳал қилишингиз лозим. Бу эса, ҳаётнинг барча соҳаларида Исломни тўла татбиқ этадиган рошид Халифаликни тиклаш орқали бўлади. Ана ўшанда дунёда бахт-саодатга ва охиратда Аллоҳнинг розилигига эришасиз. Аллоҳ Таоло айтади:
قُلْ إِنَّمَا أَعِظُكُمْ بِوَاحِدَةٍ أَنْ تَقُومُوا لِلَّهِ مَثْنَى وَفُرَادَى ثُمَّ تَتَفَكَّرُوا مَا بِصَاحِبِكُمْ مِنْ جِنَّةٍ إِنْ هُوَ إِلَّا نَذِيرٌ لَكُمْ بَيْنَ يَدَيْ عَذَابٍ شَدِيدٍ
«(Эй Муҳаммад, мушрикларга) айтинг: Мен сизларга фақат биргина нарсани – Аллоҳ учун жуфт-жуфт, ёлғиз-ёлғиз ҳолингизда туриб, сўнгра (Муҳаммад ва У келтирган Китоб ҳақида) тафаккур қилишингизни тавсия қилурман. Соҳибингизда (яъни Муҳаммадда) ҳеч қандай жиннилик йўқдир. У фақат қаттиқ азоб олдидан сизларга (юборилган) бир огоҳлантиргувчи (пайғамбардир) холос» [Сабаъ 46]
Ҳизб ут-Таҳрирнинг Тунисдаги матбуот бўлими
