Қирғизистонда БАА билан ҳамкорликда Ислом Академияси очилади
Қирғизистон Таълим ва фан вазирлиги ва Бирлашган Араб Амирликлари (БАА)нинг Шайх Муҳаммад Зайид номидаги халқаро фонди ўртасида Қирғизистонда Ислом Академиясини очиш бўйича битим имзоланди. Бу ҳақда президент матбуот бўлими хабар қилди.
Таълим ва фан вазири Канибек Исаковнинг айтишича, давлат ва маҳаллий ҳукумат раҳбарлари шахсий дунё қарашлари ва диний билимларини ошириш, жамиятдаги турли диний радикал дунё қарашларни ажрата олишлари учун Академиянинг тингловчилари бўлишади.
Маълумки, бу каби битимлар мўътадил Ислом лойиҳасини амалга оширишнинг бир қисми ҳисобланади. Мазкур лойиҳа дунё бўйича амалга оширилмоқда. Лойиҳадан мақсад – “ҳокимият ва диний етакчилар ўртасини мувофиқлаштириб, уларнинг ҳамкорликда Исломни тўлиқ кўтариб чиқаётган мусулмонларга қарши йўналтириш”дан иборат. Фақат ҳар бир давлат ўз имконияти ва шароитидан келиб чиқиб лойиҳани турли даражада амалга ошириб келмоқда. Аслида “мўътадил Ислом” мусулмонларни сиёсатга исломий кўз қарашда аралашишларини олдини олиш мақсадида ўйлаб топилган. Лойиҳа бўйича, эндиликда мусулмонлар сиёсатга аралашишлари мумкин, бироқ, бунинг учун “демократик қадриятларни” тан олиб сиёсатга шарият асосида эмас, демократия асосида қатнашишлари керак бўлади. Масалан, парламентга демократик партиялар орқали бориш каби. Демак, кофирларнинг Исломга қарши курашдаги макр-ҳийлалари босқичма босқич амалга ошириб келинмоқда. Бири муваффақиятсизликка учраса, иккинчисини тиқиштиршади. Бироқ, мана шу “мўътадил ислом” уларнинг сўнгги ҳийлаларидан. Қадрли мусулмон биродарлар, биз барчамиз биргаликда куфрнинг бундай макрлари ҳақиқатини англаб етиб, бу лойиҳага қарши Ислом динини тўлиқ, маҳкам ушлашимиз шарт!
Мумтаз Маверанахрий
