بِسْمِ اللهِ الرَّحْمٰنِ الرَّحِيمِ
Ҳасина режими мушрик Ҳиндистоннинг Бангладешдаги манфаатларига қарши гапирган ҳар қандай овозни ўчириш учун Ҳизб ут-Таҳрир аъзолари ва тарафдорларидан беш кишини қамоққа олди
Мушрик Ҳиндистон манфаатларига қарши гапирган ҳар қандай овозни ўчириш йўлида олиб бораётган омадсиз уринишлари доирасида тоғут Ҳасина Ҳизб ут-Таҳрир аъзолари ва тарафдорларидан беш кишини қамоққа олди. Бу қамоққа олиш ҳодисаси Ҳиндистоннинг «Бобарий» масжидига қилган ҳужумига ҳамда Ҳасина режимининг айни ҳужумни итоаткорлик билан қарши олишига нисбатан Ҳизб ут-Таҳрир – Бангладеш вилояти ўтказган норозилик намойишлари ва юришлари ортидан бўлиб ўтди. Шу хусусда Ҳизб ут-Таҳрир – Бангладеш вилояти матбуот бўлими баёнот нашр қилиб, бундай деди:
«Ҳасина мана шундай манфур қамоққа олишлар орқали Умматга Ҳиндистон манфаатларига қарши қаратилган бирорта ҳам норозилик намойиши ўтказилишига – ҳатто тинч намойиш бўлса ҳам – йўл қўймаслигини таъкидлаб қўймоқчи бўляпти». Баёнотда Ҳасина режими қуйидагича огоҳлантирилди:
«Бу режим айни жирканч қилмишлари билан одамлар овозини ўчира олмайди, Ҳизб ут-Таҳрир ва унинг тарафдорларини ҳам ўз аҳд-паймонларидан қайтара олмайди. Зеро, бугунги кунда ҳамманинг онги ўсиб қолди ҳамда хоин режим ниқоблари тушиб, асл башараси ҳам очилиб бўлди. Ҳизб ут-Таҳрир ва унинг холис тарафдорлари Аллоҳ Азза ва Жаллага берган аҳд-паймонларида содиқ қоладилар. Бу кофирлару мушрикларнинг ўз мухлис малайлари билан биргаликда Ислом Уммати ва динига қарши тил бириктирувларини фош этишга берган аҳд-паймондир». Баёнот сўнггида Ҳасина режими хавфсизлик хизматидаги тажовузкорларга бундай мурожаат қилинди:
«Сенларнинг даъватни кўтариб чиққан Ҳизб ут-Таҳрир аъзоларига қарши содир этган жиноятларинг ҳаргиз ҳисобсиз қолмайди. Бу вақт масаласи, холос. Вақти келиб, анави Ҳасина режимидан ҳам ҳисоб сўралади ва улар албатта муносиб жазосини олишади. Бу эса, Пайғамбарлик минҳожи асосидаги рошид Халифалик давлати қайта барпо бўлиши билан, Аллоҳнинг изни ила, албатта амалга ошади. Бу давлат барча золимларни адолат маҳкамасига топширади ва улар ҳақли жазоларини оладилар.
Роя газетасининг 2019 йил 27 ноябр чоршанба кунги 262-сонидан
