Имрон Хон воситачи бўлиш учун Эрон ва Саудия Арабистонига сафар қилмоқчи
Покистон Бош вазири Имрон Хон Яқин Шарқ минтақасидаги кескин азалий рақибларни яраштириш учун 13 октябрда Теҳронга, сўнгра Саудия Арабистонига боради, дея хабар тарқатди Покистон Ташқи ишлар вазирлиги.
АҚШ президенти Доналд Трамп Саудия Арабистонининг нефть иншоотларига 14 сентябрда уюштирилган ва кўп зарар етказган ҳужумдан сўнг Хондан иккита мусулмон мамлакати ўртасидаги тангликни юмшатишда воситачи бўлишни илтимос қилган эди.
Вашингтон, Риёд, шунингдек, араб давлатларининг бошқа ҳукуматлари Эронни ҳужум қилганликда айбламоқда, Теҳрон эса буни рад этмоқда.
‒ Саудия Арабистони стратегик ҳамкоримиз, Эрон эса – дўстимиз ва қўшнимиз. Биз икки мусулмон мамлакати ўртасидаги тушунмовчиликларни музокаралар орқали бартараф этишга интиляпмиз ‒ деган эди Покистон Ташқи ишлар вазири Шоҳ Маҳмуд Қурайший жорий ҳафта бошида.
У минтақада урушга йўл қўйиш керак эмаслигини алоҳида таъкидлаган эди.
Ташқи ишлар вазирлиги вакилининг қайд этишича, Хоннинг ташаббуси “Покистон Бош вазирининг минтақада тинчликни таъминлаш йўлидаги саъй-ҳаракатларидир”.
Эрон ахборот воситалари хабарига кўра, “Собитий” танкерига 11 октябрда Қизил денгизда, Саудия Арабистони ҳудудидан ташқарида ҳужум қилинган. Ҳали мустақил равишда тасдиқланиши шарт бўлган нохуш ҳодиса Қизил денгиз ва Форс кўрфазида танкерларга қарши ҳужумларнинг сўнггисидир.
Бунинг Ямандаги урушда билвосита қатнашаётган минтақадаги рақиб мамлакатлар ўртасидаги муносабатларни янада кескинлаштириб юбориши тахмин қилинмоқда.
Таҳлил: халқаро сиёсатни йўналтирувчи йирик давлатлар зайиф ва мустамлака мамлакатларни ўз таъсири остида ушлаб туриш мақсадида, улар ўртасида атайин кескинликлар пайдо қилишади. Мустамлакачи вазиятни мумкин қадар ҳарбий уруш ҳолатига яқинлаштириб, сўнг ўзи ўртакашлик қилиб, муаммони бартараф қилиб бериш орқали ҳар икки томонни ўзига тобелигини янада ошириб олади.
АҚШ охирги ўн йилликда Яқин Шарқда ғойриинсоний репрессив иш ҳаракатлар олиб боряпти. У Сурияни вайрон қилиб, Яманни гуманитар оммавий очарчилик билан ўлимга маҳкум қиляпти. АҚШ бу ишишларни Эрон билан Саудиянинг қўллови ва ҳамкорлигисиз амалга ошира олмайди. Бу давлатлар Мусулмонлар зулмни ҳис қилиб, куфрга қарши бирлашиб, бутун нафратини оламий куфр бошқарув системаси томонга қаратмасликлари учун уларни чалғитиб, мазҳаблараро (шия – сунъий ўртасида) кескинлик ва ўзаро урушлар пайдо қилиш билан куфрга ёрдам бериб боришяпти! Исломий ўлкаларнинг деярли барчаси шу ҳолатда.
Бутун дунёда мана шу сингари ифлос, хоин ва алдов асосидаги сиёсат ҳукм сурмоқда. Бунинг учун улар аввал мусулмонлар ўртасида ўта қаттиқ ва ёпиқ чегаралар пайдо қилишади. Сўнг ватанпарварлик, миллатчилик ва диний мазҳабпарастлик туйғуларини кучайтириш учун бор имкониятларидан фойдаланиб, минтақаларда кескин вазиятларни атайин ушлаб туришади. Оқибатда ҳар бир исломий мамлакатларда, уларга қулай ва манфаатли бўлган вазиятлар пайдо бўлади. Йирик давлатлар бу кескинликлардан фойдаланиб, уларни бир бирларига қарши йўналтириш билан ўз мақсадларини рўёбга чиқаришади.
Шиялар ҳудуди ёки масжидини портлатиб юбориш, мамлакатларда ёки улар ўртасидаги чегараларда атайин провокация ишлари ва қўпорув амалиётлари уюштириш шулар жумласидан.
Абдураззоқ Мўъмин
