Қозоғистон ТИМи: Шинжондаги “лагерларда” қозоқлар йўқ
Қозоғистон ташқи ишлар вазири Мухтар Тлеуберди 4-октябр куни журналистлар саволларига жавоб бера туриб, Хитойнинг Шинжонидаги “қайта тарбиялаш лагерлари”да қозоқлар йўқлигини айтди.
“Президентимиз яқиндагина Хитойда давлат ташрифи билан бўлди. Ҳозир “таълим марказларида” Хитойда яшаган қозоқлар йўқ. Бу маълумот юқори даражада тасдиқланди”, – деган вазир аввал у ерда қанча қозоқ қомоқда бўлганга ойдинлик киритмади.
Маълумки, мушрик Хитой ҳукумати терроризм ва экстремизмга қарши кураш баҳоналар остида “қайта тарбиялаш” лагерларини ташкил этди. Хитойнинг “касбга қайта тайёрлаш марказлари” деб номлаб олган дагерларини халқаро ташкилотлар томонидан “қийноққа солиш” ва мажбурий ҳақ тўланмайган ёки кам ҳақ тўланадиган меҳнат, она тилидан фойдаланиш ҳамда ўзларининг маданий ва диний анъаналарига амал қилишни тақиқловчи “концентрацион лагерлар” деб таърифланди.
2018 йилда эълон қилинган БМТ маълумотларига кўра, Шинжонда 1 миллиондан 3 миллионгача бўлган нафақат уйғурлар, балки қозоқлар, қирғизлар ва бошқа мусулмонлар ҳам “сиёсий қайта тайёргарлик лагерларида” мажбуран ушлаб турилибди.
Хитойда минглаб қозоқлар лагерларда ушлаб турилгани ҳақида уларнинг қариндошлари айтиб, қозоқ ҳукуматидан уларни озод қилишда кўмак кўрсатишни илтимос қилиб чиқишган эди. Бироқ, қозоқ ҳукумати “Шинжондаги вазият Хитойнинг ички иши” эканлигини баҳона қилиб уларга амалий ёрдам кўрсатмади.
Абдураҳмон Одилов
