Bellingcat: Италия Туркманистонга 257 млн евролик қурол-аслаҳа сотди
Туркманистфон Европа Иттифоқи давлатларидан катта миқдорда қурол-яроқ сотиб олади. Bellingcat, гуруҳи тадқиқотига кўра, бу қуролларнинг энг кўп қисмини Италиядан олади.
2008 йили ЕИ давлатлари томонидан қабул қилинган қарорга биноан агрессив мамлакатларга қурол сотилмайди. Бундан ташқари Италия қонунчилигига мувофиқ ҳалқаро инсон ҳуқуқларини ҳимоя қилиш Конвенциясида айбдор деб топилган давлатлар учун қурол-яроқ экспорти ман қилинади. Бу икки ҳужжат Туркманистонга ҳам таалуқлидир, зеро Туркман ҳукумати томонидан сиёсий ҳаракатлар ва дин эркинлигига қатъий чекловлар қўйилган бўлиб, фуқароларининг бу тўғрида маълумотга эга бўлишлари қаттиқ назорат остига олинган.
ЕИ берган йиллик баёнота кўра, Туркманистон 2007 йилдан то 2017 йилга қадар иттифоқга аъзо мамлакатлардан 370 миллион евро миқдорида қурол сотиб олган. Бу қуролларнинг 76 фоизини Италия етказиб берган. Қайд ўтиш жоизки, ЕИ ўзларининг қурол эскпорти хусусидаги маълумотини ошкоро нашрга чиқаради. Бироқ Италия ҳукумати бу тўғридаги маълумотларни пинҳон тутади ва қурол экспортининг йиллик кўрсатгичи ноаниқлигича қолади. ЕИ давлатлари кўпроқ ARX-160 русумли қўшоғиз милтиқ экспорт қилганлигини 2018 йили сентябр ойида Туркманистонда бўлиб ўтган ҳарбий парадда кузатиш мумкин эди. Туркманистон ҳукумати умумий миқдорда 2017 йилнинг ўзида 528 минг евролик қурол-аслаҳа сотиб олган.
