Трамп: Уйга қайтиш вақти келди
АҚШ президенти Доналд Трамп АҚШ ҳукумати Сурияда асл мақсадига эришганлигини маълум қилди. Трампнинг таъкидлашича, энди АҚШ аскарлерининг уйига қайтиш вақти келган.
“Аскарларимизнинг уйга қайтиш вақти келди, президентлигим даврида Сурияда туришимизнинг ягона сабаби бўлган ИШИДни мағлуб этдик”, дея баёнот берди АҚШ президенти Твиттер ижтимоий тармоғи орқали.
Трамп твиттер орқали берган бошқа бир баёнотида “Биз узоқ вақтдан буён Сурияда жанг олиб боряпмиз. АҚШ президенти бўлганимга салкам 2 йил бўлди. Биз албатта муваффақият қозондик ва ИШИДни мағлуб қилдик. ИШИДни хунук суратда мағлубиятга учратдик ва босиб олган ерларни қайтариб олдик”, дея АҚШ аскарларини ватанига қайтишини эълон қилди.
Оқ уй матбуот котиби Сара Сандерс ҳам ушбу баёнотга параллель равишда, “ИШИД билан курашнинг янги босқичига ўтиш билан бир қаторда, АҚШ қўшинларини у ердан олиб чиқишга ҳам киришдик”, деб баёнот берди.
Оқ уйнинг маълум қилишича, Трамп-Эрдоған учрашувининг АҚШ аскарларни Суриядан олиб чиқилишига ҳеч қандай алоқаси йўқ.
Ҳизб ут-Таҳрир Туркия вилояти матбуот бўлимининг раҳбари Маҳмуд Қор АҚШ аскарларининг Сурияни тарк этиши ҳақида ўз муносабатани билдириб шундай дейди:
АҚШнинг Суриядан чиқаётгани айтилмоқда.
– Қўшма Штатлар (ЙПГ – Сурия демократик кучлари учун) 5000 юк машинасида юборган қуролларни ҳам қайтариб олиб кетадими?
– АҚШ юк самолётлари орқали ЙПГ жангариларини ҳам олиб кетадими?
– АҚШ Сурияни тарк этар экан, Инжирликдан ҳам чиқиб кетадими?
Бу саволларни АҚШ ҳукуматига, Трампга берадиган жасур раҳбар бўлса, ана ўшанда АҚШнинг Суриядан чиқиб кетиши ҳақида гапириш мумкин.
АҚШ 2011 йилда Ироқдан чиқиб кетишини айтган эди, чиқиб кетдими? Айтингчи, Ироқнинг қўғирчоқ ҳукуматини бугун ким бошқаряпти?
Энди эса у Суриядан чиқиб кетишини айтмоқда. Сурияда кимни қолдиряпти? Қотил Асад ва ПКК-ПЙД-ЙПГдан иборат ёлланма жангчиларини қолдиряпти.
АҚШ Суриядан чиқиш қарорини эълон қилган бир пайтда, Туркия ташқи ишлар вазири Мевлут Чавушўғли Асад билан ҳамкорлик қилиши мумкинлигини билдирди. Тасодифга қаранг!!!
АҚШ Сурия бўйича ўз сиёсатини босқичма-босқич амалга ошириб келмоқда. Қотил Асадни бошидан бери қўллаб-қувватлаб келди, ҳозир ҳам қўллаб-қувватлаяпти, бундан сўнгра ҳам қўллаб-қувватлайди.
Туркия-Эрон-Россия Сурияда Америка Қўшма Штатлари уларга белгилаб берган рольни ўйнашмоқда. «Исроил» минтақадаги кафил давлат Қўшма Штатлар эканлигини яхши билади, шунинг учун Асад бошқаруви давом этишини истайди. Саудия ҳам Сурияда АҚШнинг думини ҳеч қўйиб юбормади.
Энди ўйлаб кўринг, Америка Сурияни тарк этяптими?!
