АҚШ: Асад режимини қулатиш ниятимиз йўқ
АҚШнинг Сурия бўйича махсус вакили Жеймс Жеффри Қўшма Штатларнинг Сурияда Асад режимни ағдариш истаги йўқлигини билдириб, баёнот берди.
“Биз аслида умуман бошқа режимни кўришни истаймиз. Бу – режим ўзгариши эмас; Биз Асаддан қутулишга ҳаракат қилмаяпмиз”, деди АҚШнинг Сурия бўйича махсус вакили Вашингтонда жойлашган “Atlantik Council”, номли кенгашда сўзлаган нутқида.
Жеймс Жеффрининг таъкидлашича, ҳозирда мамлакатда 100 минг қуролли мухолифат мавжуд. Демак, Башар ал-Ассад етти йиллик урушда ғалаба қозона олмаган киши сифатида муросага илиқ муносабатда бўлиши керак.
Асад режими, босқинси Россия ва АҚШ бошчилигидаги коалицион кучлар тарафидан буткул вайрон қилинган Сурияни қайта барпо қилиш учун 300-400 миллиард доллар сарфланиши кутилмоқда. Жеффри Сурияда Асад режими билан мухолиф кучлар ўртасида муросага эришулмагунча, Ғарб кучлари ва халқаро молия институтлари тарафидан моддий ёрдам кўрсатмаслигини айтиб ўтди.
Собиқ президент Барак Обама даврида Оқ уй маъмурияти Башар Асадни ҳукуматдан ағдариш шартлиги ҳақида бонг урар эди. АҚШ армияси ҳам шунинг учун Сурияга киритилган эди.
