Оқ Уй: Трамп ва Эрдоған Сурия масаласида келишиб олди
Ақш Президенти Доналд Трамп Туркия президенти Ражаб Тоййиб Эрдоған билан Сурияда хавфсизликка эришиш учун ташланадиган қадамлар борасида ўзаро мувофиқликни давом эттиришга келишиб олди. Бу ҳақида икки раҳбар ўртасида бўлиб ўтган телефон суҳбатидан сўнг Оқ Уйдан берилган баёнотда маълум қилинди.
“Икки мамлакат раҳбарлари, Туркия ва Америка Қўшма Штатларининг Суриядаги хавфсизлик ташвишлари ва икки томонлама масалалар, шу жумладан терроризмга (Исломга) қарши кураш масалаларини муҳокама қилишди. Икки давлат раҳбарлари Сурияда ҳар икки давлатнинг хавфсизлик мақсадлари амалга оширилиши учун мувофиқликни давом эттиришга келишиб олишди”, дейилади Оқ уй матбуот котиби Сара Сандерс тарафидан берилган матбуот баёнотида.
Трамп ва Эрдоган суҳбатидан сўнг Туркия ташқи ишлар вазири Мевлут Чавушўғли Туркия ҳукуматининг Асад билан ҳамкорлик қилиши мумкинлигини билдирди. Чавушўғлига кўра, агар Суриядаги сайловларда Башар Асад ғолиб чиқадиган бўлса, Анқара у билан ҳамкорлик қилиш имкониятларини кўриб чиқиша тайёрдир.
Ўтган октябр ойида АҚШнинг Сурия масаласи бўйича махсус вакили Жеймс Жеффри Суриядаги мақсадлар борасида Оқ уй маъмурияти Туркия билан ҳамфикр эканлигини ва Туркиянинг Сурия соҳасида ташлаган қадамларидан АҚШ мамнун эканлигини билдирган эди.
“Президент (Доналд Трамп) томонидан БМТ Бош Ассамблеясида илгари сурилган Суриядаги бизнинг асосий мақсадларимиз масаласида Туркия президенти биз билан ҳамфикрдир”, “Туркия турли дипломатик ва ҳарбий қадамлар ташлаб, сўзида туришини исботлади. Бу жуда муҳимдир” деган эди Жеффри.
