Вашингтон Россиянинг янги қуролларига нисбатан чекловлар жорий қилмоқчи
АҚШнинг янги мудофаа қонуни, Россия президенти Владимир Путин томонидан эълон қилинган русларнинг сўнгги марка қуролларини чеклашларга қаратилган чора-тадбирларни ўз ичига олади.
Қонунга биноан, АҚШ президенти Доналд Трамп 31 декабрдан кечиктирмаган ҳолда стратегик ҳужумкор қуролларни чеклаш бўйича Вашингтоннинг Москва билан ўтказган мулоқоти ҳақида конгресга ҳисобот тақдим этиши керак. Бу чеклов Россиянинг янги ишлаб чиққан қуролларини, хусусан Россиянинг “сармат” оғир қитъалараро ракетаси, “Х 101” ядровий қанотли ракетаси, “Авангард” навидан узоқ масофага учувчи ултратовуш тизими ва руслар “Посейдон” деб атайдиган “Статос 6” номли сув ости кемасини ҳам ўз ичига олиши лозим.
Мазкур қонун АҚШ идорасидан шунга изоҳ беришни талаб қиладики, агар Россия томон бу тизимларга стратегик ҳужумкор қурол деган эътиборда қарайдиган бўлса, АҚШ ва Россия ўртасида тузилган янги шартнома стратегик ҳужумкор қуролларини чеклашни ўз ичига олади.
АҚШ маъмурияти ўз ҳисоботида бу масала бўйича Россиянинг позицияси қандай бўлмоқда ва Вашингтон томонидан бирон сиёсий, иқтисодий ва ҳарбий чоралар талаб қилинадими-йўқми, шу ҳақида конгрессга хабар бериши шарт.
Эслатиб ўтиш жоизки, ҳужумкор стратегик қуролларни чеклаш бўйича янги шартнома 2011 йилда кучга кирган. Шартнома муддати 2021 йилда тугайди ва 2026 йилгача узайтириш имконияти мавжуд.
