Ўзбекистон фуқароси Истанбулдан Тошткентга олиб келинди
Ўзбекистон фуқароси Зокир Раҳимов хавфсизлик кучлари томонидан қўлга олиниб, ўз юртига депорт қилинди. Бу ҳақида Ўзбекистон хавфсизлик хизмати маълум қилди. Спутник агентлиги тарқатган хабарга кўра, Зокир Раҳимов Ўзбекистон хавфсизлик хизмати томонидан олиб борилган амалиётлар натижасида Туркиядан депорт қилиниб, Ўзбекистонга олиб келинган.
“Амалга оширилган амалиётлар натижасида халқаро террорчилик ташкилотларнинг фаол аъзоларидан бири, Ўзбекистон фуқароси Зоҳир Раҳимов Туркиядан Ўзбекистонга олиб келинди”, дейилади Ўзбекистон хавфсизлик хизмати тарафидан берилган баёнотда.
Баёнотга кўра, Раҳимов 1994 йилдан буён жиҳодий ташкилотларининг аъзоси бўлган. 1999 йилда ноқонуний йўллар орқали Тожикистонга ўтган Раҳимов “Туркистон Исломий Ҳаракати”га қўшилган ва у ердан Афғонистонга ўтиб кетган.
Зокир Раҳимовнинг депорт қилинишида бўлгани каби, баъзи хорижий разведка органлари Туркияда ўзлари қўлга олишни истаган кишиларга нисбаан турли йўллар билан амалиётлар уюштиришмоқда. Бундан аввал “Чечен суйиқасдлари” сифатида кун тартибида келган чеченистонлик Мусулмонларининг ноқонуний воситалар орқали ўлдирилиш ҳодисалари юз берган эди.
Ўзбекистон, Қирғизистон, Туркманистон, Чеченистон ва бошқа давлатлардан келиб, Муҳожир сифатида Туркиядан бошпана топган Мусулмонлар гоҳида мазкур давлатларнинг разведка кучлари тарафидан Туркия ҳудудида амалга оширилган турли операциялар оқали, гоҳида эса Туркия ҳукуматининг депорт қилиши орқали ўз юртларига олиб кетилмоқда.
