Европа савдо комиссияси Вашингтонни Европага босим ўтказишда айблади
Европа Иттифоқининг савдо масалалари бўйича комиссари Cеcилиа Малмстром Қўшма Штатлар Европага босим ўтказишга уринаётганлигини билдирди. Малмстром бу ҳақида жума куни ўтказилган матбуот анжуманида маълум қилди.
“Қўшма Штатлар экспортни камайтириш учун бизга босим ўтказишга уринмоқда. Аммо биз бу таҳдидни асло қабул қилмаймиз”, “Европа Иттифоқи бирлашган иттифоқдир ва ҳар қандай таҳдидга қарши ўз бирлигини сақлаб қолаверади”, деди Вошингтоннинг пўлат ва алюминийга нисбатан чекловлар жорий этганини назарда тутган комиссар Малмстром.
“Биз урушдан сўнг Қўшма Штатлар билан ташкилот тузиш ва тинчлик ўрнатиш устида иш олиб бордик. Аммо бугунга келиб, айниқса, Эронга иқтисодий жиҳатдан санкциялар қўллаш ва бизнинг экспортларимизга солиқларни ошириш борасида қарор қабул қилингандан сўнг муносабатларимиз зайифлашииб бормоқда”, “Европа Иттифоқи жаҳон савдо ташкилоти қоидаларига риоя қилиб келяпти. Агар барча тарафлар жаҳон савдо ташкилоти қоидаларига риоя қилмасалар, бу масалани ҳал қилиш учун қонун аралашиши керак бўлади”, дея қўшимча қилди комиссар.
Шунингдек, Малмстромнинг таъкидлашича, келажакда Қўшма Штатлар автомобилларга ва кемаларга қўшимча солиқлар юклаши Европа Иттифоқини хавотирга солмоқда.
“Қўшма Штатларга алюминий ва пўлат экспорт қиладиган давлатлар учун ҳам божхона солиғи кўтарилади. Шунинг учун мен барча давлатларни жаҳон савдо ташкилотига ўз муаммоларини кўтариб чиқишга даъват этаман”, деди у.
АҚШ президенти Доналд Трамп ўтган март ойи бошида пўлат учун 25% ва алюминий учун 10% импорт солиқларини оширишини эълон қилган эди. Шунингдек Трамп Европадан импорт бўлиб Қўшма Штатларига келадиган автомобилларга ҳам солиқлар жорий этган эди.
