Пентагон: Ўрта Осиёдаги “ИШИД” таҳдиди Москва пропагандасидан бошқа нарса эмас
Пентагон Россиянинг Марказий осиё мамлакатларида “Ислом давлати” уюшмалари тарқалиши ҳақидаги хавфсирашларига қўшилмайди. Америка ҳарбийлари фикрига кўра, бу сингари баёнотлар “Россия пропагандаси”, холос. Бу ҳақида “Sputnik” сайти хабар бермоқда.
Илгарироқ Россия ТИВ раҳбари ўринбосари Олег Сиромолотов Афғонистон халқаро терроризмнинг таянч базасига айланаётгани ҳақида ўз ҳавотирларини билдирган эди. Дипломатнинг сўзларига кўра, бу мамлакатда фаол “ИШИД” жангарилари сони 4 мингдан 10 минг нафаргача. Сиромолотов террорчилар қонуний ҳукуматларни ағдаришни, Марказий Осиё ва Россия давлатлари ҳудудларини босиб олишни, шунингдек, “Шимолий Хуросон” давлатини барпо этиш ҳақидаги мақсадларини очиқ баён этаётганларини таъкидлаб ўтган эди.
Аммо Америка ҳарбий муассасаси Москванинг бу ҳадикларини “асоссиз”, деб ҳисобламоқда.
“Россия АҚШнинг Афғонистондаги уринишларини йўққа чиқариш учун “ИШИД” борасида глобал ҳавотирларни авж олдиришда давом этмоқда. Россия ҳар қандай имкониятни қидириб топиб, АҚШ ва бизнинг Марказий Осиёлик шерикларимиз ўртасига душманлик уруғини сочиш учун фойдаланмоқда. “ИШИД”нинг Марказий Осиёни босиб олишга уринишлари ҳақидаги асоссиз айбловлар пропагандадан бошқа нарса эмас”,- деган РИА Новостига Пентагон матбуот-хизмати вакили подполковник Кон Фолкнер.
Аммо муассаса вакили Афғонистондаги “ИШИД” аъзоларининг умумий сони ҳақида гапиришдан бош тортган ва АҚШ Афғонистонлик ҳамкорлари билан биргаликда мамлакатда “ИШИД” сонини қисқартириш борасида ўз ишини давом эттиришини таъкидлаган.
Шу билан бирга Пентагон вакили Россия ўз ҳудудида терроризмга қарши кураш борасида етарлича чоралар кўрмаётганини қўшимча қилган.
Туркистон:
Биз аввал таъкидлаганимиздек, Авғонистонда шаклланиб бораётган ҳарбий кескинлик, АҚШнинг Марказий Осиёда ўз манфаатларини рўёбга чиқариш лоиҳасидан ўзга нарса эмас! Россия “ИШИД” ташкилоти орқали пайдо қилиб борилаётган АҚШ лоиҳасидан ўз манфаати йўлида фойдаланиб олмоқчи бўляпти. Юқорида Пентагон матбуот хизмати вакили Россиянинг манфаатига қарши гапириб, “ИШИД” лоиҳаси бизнинг назоратимиз остида. Биз уни тўла назорат қиламиз. Россиянинг қалбаки ваҳималарида ҳеч қандай асос йўқ, шунингдек у пайдо қилмоқчи бўлаётган бу вазиятлар бизнинг манфаатларимизга мос келмайди” демоқчи бўляпти.
Демак, аслида сунъий ваҳима мавжуд! Лекин у фақат АҚШнинг манфаати учун ишлаши керак! Негаки “ИШИД”ни Авғонистонга Ироқдан АҚШ кўчириб олиб ўтди. Халқаро сиёсатдаги мавқеъидан фойдаланиб, барча сарф ҳаражатларини ҳам унинг ўзи кўтариб бораяпти. Шунинг учун АҚШ, бу лоиҳадан вақти келганида албатта фойдаланади!
