АҚШ кўрфаз давлатларини ҳимоя қилаётганлигини айтиб, яна улардан маблағ талаб қилди
АҚШ президенти Дональнд Трамп ва Франция президенти Эммануел Макрон Оқ уйда ташкил этилган матбуот анжуманида Эрон билан тузилган ядровий шартнома ва Сурия хақида баёнот беришди.
Доналд Трамп Эрон билан тузилган ядровий шартноманинг тақдири устида ишлар давом этаётганлигини билдирар экан, бу шартнома жуда ёмон шартнома бўлганлигини ва асло тузулмаслиги кераклигини билдирди.
Шунингдек, Трамп АҚШ қўшинларини Суриядан ўз мамлакатига қайтариш истаги борлигини, аммо ИШИД мағлуб қилиниши ортидан бўшаб қолган ерларга Эроннинг эгалик қилишини истамаётганлигини қайд этди. Унинг таъкидлашича, минтақадаги айрим бой мамлакатлар бундан сўнгра Сурия инқирозини ҳал этиш учун зарур бўлган молиявий дастакни янада кўпроқ тақдим қилишлари керак.
“Уйга қайтишни истаймиз, аммо ортимизда кучли ва барқарор тарзда ўринбосар қолдиришни истаймиз”, “Минтақадаги айрим давлатларни химоя қилиб келяпмиз. Улар орасида жуда бой бўлганлари ҳам бор. Энди улар ўзларидан билиб, у ерда қилинган ишларнинг ҳаққини тўлаб қўйишлари керак”, деди АҚШ президенти.
Туркистон:
Эроннинг Америкага хизмат қилиб келаётганлигини дунёдаги ҳеч бир сиёсатчи инкор қила олмайди. Минтақада Эрон нуфузининг кенгайиши Америка билан келишилган ҳолда амалга ошганлиги ҳам ҳеч кимга сир эмас. АҚШ ўтган йиллар мобайнида Эрон билан ядровий дастур битимини имзолади, ундан санкцияларни олиб ташлади ва унинг минтақадаги ролини кучайтирди.
Бугунга келиб Трамп Эронга юклатилган асосий ролдан унумли фойдаланмоқда. Яъни, Эронни “олабўжи” қилиб кўрсатиб, “мен сизларни Эроннинг ёвузлигидан ҳимоя қиляпман, деган баҳона билан Кўрфаз давлатларидан юз миллиардлаб доллар ундирмоқда. Чунки араб давлатлари Эронни ўзлари учун энг катта таҳдид, деб биладилар ва минтақада унинг нуфузи ёйилишидан қаттиқ хавфсирайдилар.
Майдонда мана шундай афсусланарли ва шармандали вазият ҳукм сурмоқда. Энг ачинарлиси шундаки, АҚШ бир тарафдан ўзининг капиталистик мафкурасини сақлаб қолиш учун мусулмонларни қатлиом қилаётган бўлса, бошқа бир тарафдан мана шу қатлиомлар учун сарфланадиган харажатларни Ислом ўлкаларининг раҳбарларидан ундириб олмоқда.
