Николай Патрушев Абдулазиз Комилов билан терроризмга қарши курашни муҳокама қилди
Россия Федерацияси Хавфсизлик кенгаши матбуот хизматининг хабар қилишича, Хавфсизлик кенгаши котиби Николай Патрушев Москвада Ўзбекистон ташқи ишлар вазири Абдулазиз Комилов ва Ўзбекистон президенти ҳузуридаги Хавфсизлик кенгаши котиби Виктор Маҳмудов билан учрашди.
“Николай Патрушев Абдулазиз Комилов ва Виктор Маҳмудов билан Россия-Ўзбекистон ҳамкорлигининг долзарб масалалари, биринчи навбатда, хавфсизлик соҳасидаги масалаларни муҳокама қилиб, Марказий Осиё, жумладан, Афғонистон билан боғлиқ вазият юзасидан фикр алмашди”, – дейилади хабарда.
Суҳбат чоғида томонлар ҳуқуқни муҳофаза қилиш органлари ва махсус хизматлар, шунингдек, икки мамлакат Хавфсизлик кенгашлари аппаратининг ўзаро ҳамкорлиги, жумладан, терроризмга қарши курашдаги алоқаларини муҳокама қилишди.
“Суҳбатдошлар ўзаро ҳамкорлик механизмларини сақлаб қолиш ва уларни такомиллаштиришни давом эттириш мақсадга мувофиқлигини таъкидладилар”, – дея таъкидлаб ўтилган матбуот хизмати хабарида.
