Демократия тараққиёти учун Эмомалий Раҳмон номига ёрлиқ таъсис этилди
Тожикистон президенти ўз номига атаб “Миллат Пешвоси Эмомалий Раҳмон” номли янги ёрлиқ таъйин қилди. Бу мукофот “демократия тараққиётига ҳисса қўшган” хос шахсларга берилади. Шуни айтиб ўтиш жоизки, бу ёрлиқ уч йилда бир маротаба ўз эгаларига топширилади, у тоза олтиндан ясалган ва қиймати 14 минг долларга тенг бўлиб, унда Эмомалий Раҳмон расми муҳрланган.
“Тожикистонда “Миллат Пешвоси – Эмомалий Раҳмон” номидаги мукофот белгиланди. Ушбу мукофот демократия йўлида арзигулик ҳисса қўшган Тожикистон фуқаролари, чет мамлакат фуқаролари ва фуқаролиги бўлмаган инсонларга тақдим этилади”, дея хабар қилди Озодлик радиосининг тожик тилидаги саҳифаси журналисти Абдулло Ашўров.
Бу ҳақида ижтимоий масалалар ва жамият билан алоқа ўрнатиш бўйича президент ёрдамчиси Абдужаббор Раҳмонзода 15 феврал куни “Радиои Озодӣ” билан бўлган суҳбатида “Мукофот тўғрисидаги фармон Тожикистон Миллий мажлиси ва Вакиллар Мажлиси кун тартибига киритилган. Тасдиқлангач амалда ижро қилинади”, дея маълум қилди.
Қоидага мувофиқ Тожикистонда президентнинг кадрлар сайлашдан бошқа фармонлари парламентда кўриб чиқилмайди. Аммо Абдужаббор Раҳмонзоданинг билдиришича, бу мукофот давлат мукофоти ҳисобланиб, қонуний бўлишликни талаб қилади. Шу боис уни Вакиллар Мажлиси ва Миллий Мажлис кўриб чиқиши шарт.
Юқорида айтилган навбатдаги илмоний қонунда, “Демократия ривожи йўлидаги хизматлари учун” деб нималарни назарда тутаётганликлари хеч кимга сир эмас. Демократия тушунчаси асосан эркинликдан иборат бўлиб, бундай жирканч йўл нафақат башарият орасини боғлашга ярамайди, балки Инсонни инсоний жиҳатидан бутунлай паст даражадаги фитрат соҳиби қилиб қўяди. Демократик қадриятларни оддий бир оилада ҳукмрон бўлишлигини бир тасаввур қилиб кўринг. Агар бир мусулмон оиласида эркинлик бўлса ва ҳамма унга амал қилса, оила низоми умуман барбод бўлишлиги аниқ. Яъни агар умумий эркинлик бўлса, аҳли аёлингиз, фарзандларингиз ҳатто қўни қўшнилар ўзи хоҳлаган нарсани амалга оширса, оиладан Раҳбар, омонат, фарз деган тушунчалар кўтарилса, бундай оила нафс балосига учраган интизомсиз бир вайрона каби бўлиб қолади, зоҳирда инсон ҳаётига ўхшаса-да, аслида оддий ҳайвонот яшаш тарзининг ўзгинасидир. Энди айнан шундай инсоният яратилиш табиатига ёт бўлган жиҳатларни ривожи учун ҳисса қўшсангиз мукофотга ва обру-эътиборга сазовор деб топиласиз, оилалардаги фарзандларнинг итоатсизлиги, қиз-жувонларни беҳаёлиги, ўзбилармонлигига сабабчи бўласиз ва ҳатто “раҳматлар” эшитиб “мувофиқ” тақдирланасиз ҳам!
Демократия деган жирканч куфр низоми айнан инсонларни инсоний даражадан оддий бир нафси билан яшайдиган, ғариза ва узвий эҳтиёжларини назорат қилмайдиган маҳлуқларга айлантиришни истайди! Бу фосид тузумдан иложи борича халос бўлиш учун саъй –ҳаракатлар қилишимиз барчамиз учун вожибга айланди. Инсоннинг чекланган ақл маҳсули бўлмиш демократия низоми нафақат ҳаёти дунёимиз учун хатарли, балки охират азоби учун бир аниқ ҳужжат ҳисобланади.(Аллоҳ сақласин).
Бу хоин, андишасиз Эмомалий Раҳмон ўз тасарруфидаги фуқароларни ўзига бўйсиндириш йўлида чегара билмай қолди. Умуман олганда қадим-қадимдан буён жаҳолат йўлини тутган раҳбарлар қўл остидагиларни ўзларига тобе қилишни ва уларга нисбатан қул сифатида муомала қилишни ҳуш кўришган. Ҳатто баъзан уларни кирдикорларида худоликни даъво қилиш каби ҳаракатлар ҳам кузатилган.
Гарчи бошқа миллат вакилларига ғалати туюлса-да, президент томонидан чиқарилган фармонлар тожикистонликлар учун бир одатий ҳолга айланиб улгурди.
Бундан бир неча йил илгари Тожикистон ҳукумати фармонига биноан 165 метрлик ва 700кг оғирликда давлат байроғи тайёрланиб марказий хиёбонга ўрнатилди. Кейинчалик давлат пешвоси ҳайкалини бунёд қилиш учун чет элга махсус буюртма берилди. Эндиликда катта муассаса ва корхонларда Эмомалий Раҳмоннинг деворга осилиб турган расмидан ташқари, стол устида ҳам унинг силуети жой эгаллайдиган бўлган. Сўнгра бирин-кетин бемаъни, фойдасиз қонунлар татбиқ қилинди. Йилнинг қайси мавсуми бўлишлигидан қатъий назар ўқувчи қизлар коллеж ва университетга миллий либосда келиши шарт қилинди. (Бунга ўхшаган фойдасиз қонунлар бизга диктаторлик режими остида кун кечираётган қўшни Туркманистонни эслатади).
Шундан келиб чиқиб айта оламизки, агар инсон Худо берган ақлини тўғри ишга солишни уддалай олмаса, уни фақат нафси бошқаради, бир Буюк Яратувчининг оддий қули эканлиги ёдидан кўтарилади ва ҳавойи нафсига эргашиб, муҳитидан, лавозимидан таъсирланган ҳолда ақл доирасига сиғмаган қадамларни ўзига эб кўради. Ҳолбуки Азизлик фақат Аллоҳга хос, Мутакаббир сифатида билан Аллоҳ Ўз ишида ғолибдир, аммо айрим фосиқ онги заъиф бандалар Яратувчи билан мақом талашади.
Фузола ибн Абид ривоят қилган ҳадисда Пайғамбар с.а.в. шундай деганлар:
وَثَلاَثَةٌ لاَ تَسْأَلْ عَنْهُمْ: رَجُلٌ نَازَعَ اللَّهَ عَزَّ وَجَلَّ رِدَاءَهُ فَإِنَّ رِدَاءَهُ الْكِبْرِيَاءُ وَإِزَارَهُ الْعِزَّةُ, وَرَجُلٌ شَكَّ فِي أَمْرِ اللَّهِ, وَالْقَنُوطُ مِنْ رَحْمَةِ اللَّهِ
“Уч тоифа одамлар борки, улар ҳақида сўрама (ёки масъул эмассан). Улуғ ва Буюк Аллоҳнинг ридосини талашган одам хусусида, чунки У зотнинг ридоси кибрлилик, ич кийими эса азизликдир”.
Биродарим.
Бу уч-тўрт кунлик синов дунёда ҳамма нарсадан муҳимроқ бўлган жиҳат иймон саломатлигидир, банда ўзининг ким эканлигини ёддан чиқармаслиги лозим, Яратувчи томонидан ўзига юклатилган омонатларни теран тушуниб етиб, ба қадри имкон ҳаққини адо қилмоғи шарт, энг муҳими одам бўлишлик эмас, мўъмин бўлишликдир. Мўъмин банда эса ҳар бир қадамини Ақидасига боғлаб босади, ҳар бир амалини Шариат мезонида тортиб кўриб, сўнгра бажаради ёки ундан бош тортади. Вассалому алайкум.
Мунаввара
