Маҳмуд Қор: Ҳақиқий террор хавфи АҚШ ва Россиядан келмоқда!
Ҳизб ут-Таҳрир – Туркия вилояти матбуот бўлимининг раиси Маҳмуд Қор Туркиянинг “зайтун бўтоғи” номли Африн амалиётига муносабат билдирди. Қорнинг таъкидлашича, 20 январ кечки соатларда бошланган Африн амалиётини Сурия қўзғолонидан алоҳида бир мавзу сифатида таҳлил қилиш жуда катта хатодир. Зеро муаммо фақатгина Туркиянинг жанубий чегарасида хавф туғдирган террор вужудини бартараф қилиш муаммоси эмас. Айни пайтда бу масала фақатгина ПКК (Курдистон Ишчилар Партияси)нинг Суриядаги қаноти ЙПГга қарши Туркиянинг чегара хавфсизлигини таминлаш масаласи ҳам эмас. Балки бу масала бевосита Сурия инқилобига боғлиқ масаладир.
“Афринни ЙПГга ким топширган бўлса, эндиликда унга қайтариб бериш режалаштириляпти. Сурия қўзғалонининг иккинчи йили, Яъни 2012 йилнинг июл ойида Сурия режими қўзғолончи гуруҳлардан қақшатқич зарбаларга учраб, заифлашиб қолди. Шунда Асад кучлари Дамашқ томонга чекиниб, Африн, Жазира ва Кобанини ЙПГга ўз қўллари билан топширган эди. Асаднинг ЙПГга бўлган ишончининг сабаби, Америкага бўлган ишончидир. Зеро ЙПГнинг арқонини бевосита қўлида ушлаб турган куч Америкадир”, дейди Ҳизб ут-Таҳрир матбуот бўлимининг раиси.
Шунингдек Қор Африн амалиётининг “Фурот қалқони” билан функционал ўхшашлигига эътибор қаратди.
“Туркия Фурот Қалқони амалиётига ўхшаш стратегия билан Идлиб ва унинг атрофидаги мухолиф гуруҳларни Африн амалиётига чорламоқда. Бу эса Идлибга нисбатан Асад режимининг қамалига замин яратиш ва қўзғолончи исломий гуруҳларнинг кучини заифлаштириш демакдир. Ҳалаб қай тарзда Фурот Қалқони орқали Асадга топширилган бўлса, Идлиб ҳам ҳудди шу тарзда Африндаги “Зайтун бўтоғи” амалиёти орқали Асадга топширилади. Шундай бўлишини Америка хоҳламоқда, Туркия эса бу ишда унга шерик бўлмоқда. Чунки Россия бошчилигида олиб борилаётган Остона музокараларидаги оқсашларни бартараф қиладиган ва натижада АҚШнинг “Сурия ечими” режасини амалга оширадиган Америкача стратегия мана шудир. Сурия у ёқда турсин, Африн ва атрофида ИШИДдан асар ҳам қолмаган бир пайтда, АҚШнинг коалиция кучларини ҳали ҳам ИШИДга қарши курашга йўналтираётганлиги бунинг яққол далилидир. Бу эса, Остона учрашувига рози бўлмаган Идлибдаги қўзғолончи гуруҳларни нишонга олишдан бошқа нарса эмас. Африн амалиётининг ортидананоқ Асад кучлари ва Россиянинг Идлибга ҳужум бошлаши, бу режанинг бевосита амалга ошаётганининг нишонасидир. Сурия озод армияси номи остида Сурия мухолифларини Афринга жалб қилиб, Идлибни ёлғиз қолдириш Сурия қўзғалонининг томирига яна бир бор болта уриш ва унга яна бир бор хиёнат қилишдир. Хулоса сифатида шуни очиқ айтмоқчиманки, агар Туркия ҳақиқатдан ҳам самимий бўлса, Африн амалиётини Ироқ ва Сурияда фитна уруғини сочишга уринаётган ва Яқин Шарқни бир неча бўлакка бўлмоқчи бўлаётган АҚШнинг режаларига зарба сифатида эълон қилиши керак. Агар бундай қилинмаса, фақатгина жанубий чегараларини ПЙД-ЙПГ вужудидан тозалаш – гарчи бу рост бўлган тақдирда ҳам – ҳақиқий мақсад ҳисобланмайди. Чунки бу ердаги ҳақиқий террор хавфи АҚШ ва Россиядан келяпти. Калаванинг учи Америкадир. Шунинг учун бу амалиётнинг номи “Зайтун Бўтоғи” эмас, “Бош янчиш” бўлиши керак. Янчилиши керак бўлган бош эса Американинг бошидир”, дейди Маҳмуд Қор.
