Асад Сурияда “Хавфсиз минтақа яратиш” меваларини териб ола бошлади
АҚШ бошчилигида ҳамда Россия, Туркия ва Эрон давлатларининг кафиллиги остида ўтказилган Астана учрашувида Сурияда “Хавфсиз минтақа яратиш” режаси эълон қилиниши ортидан Асад режимига жон кира бошлади. Мазкур қарордан сўнг Асад кучлари бир қанча минтақаларни, жумладан Ҳомс ва Дейр аз-Зур минтақасини қўлга киритди.
Энг сўнги олинган хабарларга кўра, Асад режими ва Эрон ҳизбининг жангчилари Суриянинг жанубидаги Иордания билан чегарадош барча ҳудудларни назорат остига олган. Натижада мазкур минтақани назорат қилаётган мухолифат гуруҳлари 6500 квадрат километр майдонни қўлдан бой берган.
Бундан аввалроқ мухолиф гуруҳларлардан бири Таҳрир Шом гуруҳи Дамаш атрофидаги Абу Дали минтақасини Асад кучларидан озод қилганлиги ҳақида хабар тарқаган эди. Мазкур ҳодисани изоҳлаган Ҳизб ут-Таҳрир марказий матбуот бўлимининг раиси Усмон Баххош шундай дейди: “Ҳарбий фанда шундай қоида бор; у ер-бу ерда ғалаба қозониш муҳим эмас, балки энг муҳими урушда ғалаба қозонишдир. Шунинг учун айтиш мумкинки, Идлиб масаласида Астана, Москва ва Женева шартномаларини қабул қилган Туркияга тобе гуруҳнинг Абу Дали минтақасини қутқариши ҳеч қандай аҳамият касб этмайди”.
Дарҳақиқат, Россия ва Туркия ҳамкорликда Сурияда олға сураётган “Хавфсиз минтақа яратиш” режасидан мақсад Ҳалабда амалга оширилгани каби мухолифат кучларини зайифлаштириб, Идлибнинг қулашини таъминлаш, шундан сўнг шаҳарни илмоний Асад режимининг қўлига топшириш эканлиги ҳеч кимга сир бўлмай қолди. Сурия бўйича кўплаб мутахассислар ҳам Остона музокараларида келишилган “Хавфсиз минтақа яратиш” режаси Сурия урушида асосан Асад режими учун имкониятлар яратаёганлигини билдиришмоқда.
