Трамп яна бир бор Қатарни айблади
АҚШ президенти Доналд Трамп Қатарни яна бир бор терроризмни молия билан таъминлашда айблади. Оқ уйда ташкил қилинган матбуот анжуманида Трамп Қатарни терроризмни юқори даражада қўллаб-қувватлаётганлигини олға суриб, буни тўхтатишга чақирди.
“Бир қарорга келишимиз керак. Осон йўлни танлаймизми ёки қийин ва зарур бўлганини қиламизми? Терроризмни молиялаштиришни тўхтатишимиз зарур. Менимча Қатарни терроризмни қўллаб-қувватлашни тўхтатишга чақириш вақти келди”, деди Трамп.
Саудия Арабистон раҳнамолигида Қатарга блокада жорий қилган давлатлар ҳам Қатарни “Мусулмон биродарлар” ва “Ҳамас” каби гуруҳларга молиявий дастак беришда айблашмоқда. Саудия ташқи ишлар вазири Адил Жубайр охирги чиқишларида Қатардан “Мусулмон биродарлар” ва “Ҳамас”ни маблағ билан таъминлашдан тийилишни қатъий талаб қилди.
Бироқ Ҳизб ут-Таҳрир – Туркия вилояти матбуот котиби Маҳмуд Қорнинг таъкидлашича, Қатар инқирозининг сабаби “Мусулмон биродарлар” ёки “Ҳамас” эмас, балки бунинг илдизи Сурия масаласига бориб тақалади.
“Қатар инқирозида асл масала “Мусулмон биродарлар” ё “Ҳамас” ёки Суриядаги бошқа гуруҳларга ёрдам бериш эмасдир. Зеро бу ҳолат янги пайдо бўлмаган ва барчага аввалдан маълум бўлган ҳолатдир. Қатар инқирози Сурия масаласига боғлиқ. АҚШ Британиянинг қарамоғи остида бўлган Қатарга босим ўтказиб, Британияни Сурия ва Ироқ масаласида ўзининг режаларига бўйсундирмоқда. Трамп Қатар инқирозига қарамай, “CENTCOM” (Иккинчи Кўрфаз жангида Қатарга жойлаштирилган АҚШ Марказий кучлар қўмондонилиги) Қатардан туриб бошқарилишда давом этишини айтмоқда. Қатарнинг бунга лом-мим демаслиги Британиянинг босим остида қолаганлигини ва бунга розилигини англатади”, дейди Ҳизб ут-Таҳрир – Туркия вилояти матбуот котиби Маҳмуд Қор.
