Капитализм сабабли миллионлаган одамлар очликдан ўлишга маҳкум
Яқин олти ой ичида Нигерия, Сомали, Жанубий Судан ва Яманда 20 миллион киши очликдан ҳалок бўлиши мумкин. Бу ҳақида БМТ Озиқ-овқат ва қишлоқ хўжалиги бош директори Жозе Грациану да Силва маълум қилди.
“Агар биз ҳеч қандай чора кўрмасак, яқин олти ой ичида 20 миллионга яқин одам очликдан ҳалок бўлиши мумкин”, “Очлик одамларни ўлдиришдан ташқари ижтимоий беқарорликка ҳам сабаб бўлади. Шунингдек, одамларни қашшоқлик ҳамда ташқи ёрдамга боғлиқликка маҳкум этади, бу ҳолат ўн йиллар мобайнида сақланиб қолади”, деди Силва.
“РИА Новости”нинг хабарига кўра, БМТнинг қочоқлар бўйича агентлиги 2017 йилда Яман, Нигерия ва Африка мамлакатлари очликдан хароб бўлиши мумкинлиги ҳақида огоҳлантирган. Агентликнинг матбуот котиби Эдриан Эдвардснинг таъкидлашича, молиялаштириш манбаларининг етарли эмаслиги сабабли яқин орада минтақада 2011 йилда содир бўлган инқироздан ҳам ёмонроқ гуманитар инқироз юзага келиши мумкин. 2011 йилдаги инқироз натижасида ярми ёш болалардан иборат 260 мингдан ортиқ инсон очликдан ҳалок бўлган эди.
Жанубий Суданда мамлакат бўйлаб очлик эълон қилинган, 100 мингга яқин кишининг ҳаёти хавф остида. Сомалида ҳам инсонларнинг ҳаёти оғирлашиб бормоқда. Халқаро миграция ташкилоти вакили Жоел Миллманнинг айтишича, юз мингдан ортиқ инсонлар уй-жойарини ташлаб, озиқ овқат ва сув илинжида Эфиопия томон йўл олган. Аммо табиий офатлар хавфини олдини олиш қўмитасининг вакили Абеба Зевдиенинг билдиришича, Эфиопиянинг ўзида ҳам айрим вилоятларда озиқ-овқат ёрдамига муҳтож одамларнинг сони 7,7 миллионга етган.
Халқаро миграция ташкилоти бу фалокатларнинг олдини олиш учун халқаро ҳамжамиятни уларга зудлик билан ёрдам беришга чақирди. БМТ дунё озиқ-овқат дастурининг Яқин Шарқ, Шимолий Африка, Шарқий Европа ва Марказий Осиё бўйича минтақавий вакили Муҳеннед Ҳодий шундай дейди:
“Мамлакат очлик жараёнига кирганда аллақачон кўпчилик ҳаётдан кўз юмган бўлади. Агар ҳозир ҳаракатни бошласак, кўп одамларнинг ҳаётини сақлаб қолишимиз мумкин. халқаро ҳамжамият дарҳол зарурий маблағ билан таъминлаш ва мамлакатнинг турли жойларида очликка қарши тадбирлар ўтказиш учун зудлик билан бизга ёрдам беришга чақирамиз”.
Туркистон:
Африка қитъаси ери катта ва барча қазилма бойликларнинг улкан захира конларига, шунингдек афсонавий иқлим, ҳайвонот дунёсига бой бўлган қитъадир. Бироқ шундай бўлишига қарамай, ўзини боқолмайдиган даражада қарзга ботган, аҳолиси очликдан ўлмоқда. Албатта бунинг сабаби капиталистик тузумни ижро қилишга бориб тақалади. Чунки капитализм мабдаси манфаатпарастликнинг устига қурилган инсоний тузумдир. Мустамлакачилик, бошқа халқларни қулга айлантириш, уларнинг бойликларини талон-тарож қилиш капитализмнинг табиатида мавжуд. Капитализм сабабли бугунги кунда оламнинг энг бой давлатларнинг ўзида ҳам оч-юпунларнинг сони миллионлаб кишиларни ташкил қилади. Бошқа учинчи дунё давлатларни-ку гапирмай қўя қолайлик.
Шундай экан капитализм мабдаси ҳукм суриб турган бир пайтди “Маблағ ажратиш” ёки “инсоний ёрдам кўрсатиш” билан бу муаммони ҳал қилиб бўлмайди. Бу каби ечимлар фақатгина муаммонинг умрини яна ҳам узайтиришга хизмат қилади холос. Бу муаммо фақат ва фақат капитализмни таг-томири билан қўпориб ташлаш ва унинг ўрнига закот юкланган карвонлар юртларни кезиб, закот оладиган биронта камбағални тополмайдиган ҳолатни юзага кетирадиган Ислом мабдасини олиб келиш билангина ҳал бўлади.
