Қирғизистонда МДҲ ҳудудида қўпорув амалиётини амалга оширмоқчи бўлган “террорчи” қўлга олингани иддао қилинди
Миллий хавфсизлик давлат қўмитасининг жамоатчилик билан алоқалар бўлимининг хабар қилишича, 20-апрелда Ўш вилоятида яшовчи 1994 йили туғилган С.Т исмли шахс қўлга олинди.
“У 2013-йили террорчи гуруҳлар сафига қўшилиб, Сурияга жўнатилгани аниқланди. Сурияда у ҳарбий ҳаракатларда, асрларни оммавий қатл қилишда иштирок этгани маълум бўлди”,- дейилади МХДҚ хабарида.
Хабарда айтилишича, С.Т ўтган йилнинг феврал ойида қўшимча тайёргарликдан ўтганидан сўнг МДҲ ҳудудида Ғалаба байрами нишонланаётган кунлари террор ҳужумларини ташкил қилиш топшириғини олган. Айни вақтда у МХДҚнинг тергов ҳибсхонасига жойлаштирилиб, жиноят иши қўзғатилди.
Туркистон:
Россияда давлат кризиси бошланиб, Путин ва унинг режими сиёсий қалтис аҳволга тушиб боряпти. Путин вазиятдан қутилиб олиш учун бутун МДҲ давлатларини ҳамкорликка чақириб, умумий ички хавфсизлик тизимини тузишга даъват қилди. Бунинг учун Суриядан қайтиб келаётган мужоҳидлар барча учун баробар хавф туғдираётгандек вазиятни пайдо қилиш керак, деган фикрни МДҲ раҳбарларига уқтирмоқда. Бундан ташқари, МДҲ давлатларининг бирортасида қўпорув амалиёти содир этилса, барчалари ундан ўз хавфсизликларини янада мустаҳкамлаб олишда ва ички кераксиз кучлардан тозаланиб олишда бирдек фойдалана оладиган муҳитга эга бўлишмоқчи.
Бу масалада Қирғиз ҳукумати пешқадамлардан бўлиб, юқорида айтиб ўтилган ўз фуқоросини навбатдаги қурбон қилиб кўрсатмоқда. Аввал Акбаржон Жалиловни путинчилар қалбаки амалиётида қурбон қилган эди. Кейинроқ Қирғиз МҲДҚ ташкилоти томонидан Жалолобод шаҳрида яшаган Акрам Азимов исмли бир йигитни шифохонада даволанаётган жойидан олиб, Россия федерал хизмати ходимларига топшириб юборишди. Бу ҳақида “Озодлик радиоси” 20.04. 2017 кунги сонида батафсил баён қилди. “Озодлик”нинг айтишича, Акрам Азимовни Ош шаҳар шифохонасида 15 апрел куни операциядан чиқиб, оғир аҳволда ётган жойидан олиб кетишган. Буни маҳбуснинг онаси, укаси ва шифохона ишчилари тасдиқлашган. 17 апрел куни эса, гўё Россия федерал хизматчилари Азимовни Москва кўчасидаги автобекатдан қўлга олишган бўлишди.
Қирғизистон путинчиларнинг ифлос ҳаракатларига кенг қулоч очиб, улар билан ҳамкорлик қилиш томон чопиб боряпти. У бирин кетин ўзининг фуқороларини ва уларнинг оила аъзоларини қон қақшатиб, куфр манфаатлари йўлида қурбон қилиб юборяпти.
