Қирғизистондаги мактабларнинг бирида бомба қўйилганлиги хабар қилинди
Қирғизистоннинг Каракол шаҳридаги мактабларнинг бирида бомба қўйилганлиги айтилмоқда. Бу ҳақида Озодлик радиоси қирғиз хизмати хабар тарқатди. Хабарда айтилишича, бомба қўйилганлиги даъво қилинаётган Каракол шаҳардаги №11 сонли гимназия мактаби милиция ходимлари тарафидан қуршаб олинган. Миллий хавфсизлик қўмитасининг фавқулодда ҳолатлар вазирлигига қарашли мутахассислар ва милиция ходимлари дарҳол текширув ишларини бошлаб, портловчи моддани излашга киришган.
Мактабда таълим олаётган ўқувчилар дарсларини тўхтатиб, синфларини бўшатиб қўйганлиги ҳақида хабар қилди озодликнинг воқеа жойида ҳозир бўлган журналисти. Олинган хабарга кўра, портловчи моддани пол ювувчи аёл топиб, муаллимга топширган. Сўнгра тегишли жойларга хабар қилинган. (AsM)
Туркистон:
Қирғизистон МДХҚ қўмитаси Россия махсус кординаторлари томонидан йўналтирилади. Бу ҳақда собиқ муваққат ҳукумат вакили ва собик Иссиқ кўл губернатори Эмилбек Каптагаев баёнот бериб, “МДХҚнинг ҳар бир тармоғида биттадан Рус мутахаcсиси координатор бўлиб ўтирибди” деган эди.
Қирғиз МДХҚ ходимлари ўз мамлакати хавфсизлиги ва манфаати йўлида мустақил иш кўра олиш қобилиятига эга эмас. Уни уқитувчи, журналист ва Акаевнинг расмий баёнотчиси бошқариб келаётганини англаб олиш қийин эмас. Демак барча стротегик ва тактик амалиётлар рус координаторлари томонидан ишлаб чиқилади.
Юқоридаги, “ўз фуқороларини қўрқувда ушлаб туриш (террор)” мақсадида уюштирилган ўқув машғулоти ҳам, Путин асос солган “ўз халқини портлатиб юбориш ва бу қўпорув амалиётида мусулмонларни айбдор деб топиб, халқини ўз атрофида унга суяниб ялиниб яшашга мажбур қилиш” асосидаги мақсад сари йўналтириляпти. Ёлғон бомба, граната ва бошқа портловчи моддаларни портлашидан аввал топиб олиш амалиёти фуқороларни шунга таёрлаш, уларни кўниктириш ва ишонтириш мақсадида олиб борилади. Баъзида, портлатиб юбориш учун шароитлар тўғри келмай қолса, портловчи моддани ўзлари топиб, уни зарарсизлантириб ёки ўқув гранатаси билан алмаштириб қўйиб, халқни ҳалокатдан сақлаб қолган халоскори сифатида кўриниш билан кифоялана қолишади. Бу вақтинча албатта. Уларнинг бу ўйинлари узоқ давом этмайди. Жамоатчилик уларга ишониб, болаларини соқолли одамлардан олиб қоча бошлаганларида, махсус ходимлар ростакамига портлата бошлашади.
Чунки улар портлатишдан одамларни ўлдиришни эмас, уларни қалбаки Исломий хавф хатарлар бор эканига ва террорчи кучлар бегуноҳ инсонларни портлатиб юборишга ҳаракат қилаётганига бизларни ишонтиришни хоҳлашмоқда. Ишончимизни қўлга киритгач, қатор қўпорув ишларини бошлаб юборишади. Ўзлари эса, биз томонга ўтиб олиб, мусулмонларга қарши бор кучи билан ҳаракат олиб бораётгандек кўринишади. Лекин мамлакатда ҳеч қандай исломий қўпорувчилар хавфи йўқ эканлигини улар жуда яхши билишади. Шунинг учун ўз мақсадларини белгилаётганларида исломий ваҳимани сунъий пайдо қилиш билан мамлакатда авторитар режим ўрнатиб олишни ва бунга тўсиқ бўлиб турган кучларни синдира оладиган ҳолатни пайдо қилишни, шунингдек куч тизимларига ва хавфсизлик масаласига кўпроқ маблағ ажратиш ва кўпроқ эътибор қаратишни қасд қилишади. Россияда ҳам худди шу услуб билан Путиннинг режими бор қувватини ишга солиб ҳаракат олиб боряпти.
