Петербургда меҳнат муҳожирлари қўлга олинди
Санкт-Петербургда 14 кишининг умрига зомин бўлган терактдан сўнг келиб чиқиши Марказий Осиёдан бўлган меҳнат муҳожирларига қарши ўзига хос “ов” бошлаб юборилди.
Россия тергов қўмитасининг маълум қилишича, “Ўрта Осиё республикаларидан Россияга ишлаш учун келган” 6 киши қўлга олинди.
Қўлга олинган шахслар террорчилар сафига янги одамларни ёллаш ва Россия ҳудудида “Жабҳат ан-Нусра” ва “ИШИД” каби ноқонуний ташкилотлар тарғиботи билан шуғулланишда гумон қилинган.
Тергов қўмитасининг Санкт-Петербург бўйича бошқармаси РФ Жиноят кодексининг 1 қисм, 205.1 моддаси (террорчилик фаолияти билан шуғулланиш) бўйича иш очган. Хабарда айтилишича, тинтув вақтида гумонланувчиларнинг яшаш жойларидан “экстремистик адабиётлар, ашё ва ҳужжатлар топилган ҳамда тергов учун мусодара қилинган”.
Қўмитада қайд этилишича, ҳозирча ушбу қўлга олинган шахсларнинг Санкт-Петербургдаги теракт ижрочиси билан алоқадорлиги аниқланмаган. Бу масала тергов давомида ҳал қилинади.
Туркистон:
Путин Россияда яна фуқороларини чалғитиш мақсадида “терроризм” ўйинини бошлаб юборди. У 1999 йили шу услуб билан бир неча юзлаган фуқороларини қурбон қилиб, президентлик курсига ўтириб олган эди. Унда барча қўпорув ишлари Чечен фуқоролари ва миллати томонидан амалга оширилаётгани иддао қилинар эди. Бу сафар, матбуот вакиллари ва орган ходимлари Ўрта Осиё ва Доғистон фуқороларига қарши йўналтирила бошланди. Бу нимани англатади?
Наҳотки навбатдаги уруш ушбу ўлкаларда бўлиши кутилаётган бўлса. Тарихни эсласак, Чеченистон уруши айнан шунақанги муҳит таёрлаб олинганидан кейин бошлаб юборилган эди.
Путин, бурчакка тақаб олинган каламушнинг ҳолатга тушиб боряпти. Россиянинг манфаатлари, хавфсизлиги ва фаровонликка бўлган интилиши энди уни қизиқтирмайди. Путин, бутун дунё ва бутун Рус халқи билиб, англаб турганига қарамай, портлатиш ва ўз фуқороларини қўрқувда ушлаб турадиган шароитни яратиб олиш ҳаракатларини давом эттириб бораверади. Чунки унинг учун бошқа йўл қолмади. Путин уруш излай бошлади. Лекин бу уруш мамлакати ичидаги миллатчиликка асосланган гражданлар уруши бўлиши мумкин. Ёки Украина, Азарбайжон, Ўрта Осиё мамлакатларига қаратилган ташқи уруш уюштирилиши ҳам мумкин. Акс ҳолда Путиннинг режимига қарши бўлган жуда катта куч маббуот уруши орқали мазлум рус халқини оёққа тургизиб юбориш арафасида турипти. Рус ҳокимиятида ўз фуқороларини бу ночор ҳолатидан олиб чиқиб кета оладиган ҳеч қандай имконият йўқ. Шунинг учун Рус ҳокимияти уруш ва портлатиш каби ишлар билан ҳамиша халқни ваҳимада ушлаб турадиган ҳолат пайдо қилишга уринади.
