АҚШ: Қабул қилинг, Асад мустақил давлат раҳбаридир

АҚШ: Қабул қилинг, Асад мустақил давлат раҳбаридир

Оқ уй матбуот котиби Шон Спайсер кундалик матбуот анжуманида сўзлаган нутқида Сурия президенти Башар Асадга тегишли АҚШнинг сиёсати ҳақида маълум қилди. Спайсернинг таъкилдашича, Асаднинг қонуний президентлигини тан олишдан бошқа чора йўқ.

“Суриядаги сиёсий ҳақиқатни, яъни Башар Асаднинг суверен давлат раҳбари эканлигини қабул қилишга мажбурмиз”, деди Оқ уй матбуот котиби.

Шунингдек, Спайсер Асадни қулатиш АҚШнинг устувор масалалари сирасига кирмаслигини билдирди. Спайсерга кўра, Асадни қулатиш ўрнига минтақадан “террорчиларни” қувиб чиқариш ва Суриядаги (Асадга қарши) жангларни тўхтатишга эътибор қаратиш лозим.

АҚШнинг БМТдаги доимий вакили Никки Ҳалей ҳам Оқ уйнинг янги маъмурияти аввалгисидан ўзгача тарзда эътиборини Асадни иқтидордан олиб ташгашга қаратмаслигини маълум қилди.

Никки Ҳалей БМТ мажлисида қилган нутқида айтишича, АҚШнинг назарида Сурия Президенти Башар Асад фақат тинчликка тўсиқ бўлмоқда. Шунинг учун эндиликда Доланд Трампнинг сиёсати Асадни қулатишнинг ўрнига узоқ муддатли сиёсий ечим топиш ва бу соҳада Туркия каби минтақа давлатлари билан ҳамкорлик қилишга қаратилади.

“Башар Асадни ағдариш ортиқ Америка сиёсатининг устувор вазифаси эмас. Аввалги маъмурият каби диққат эътиборимизни Асадга қаратмаймиз. Асосий масала Сурия халқининг ҳаётини ўзгартириш учун нималар қилишимиз лозим ва кимлар билан алоқа ўрнатиш кераклигини англаб етишдир”, деди Ҳалей.

Бироқ Женевадаги Сурия тинчлик музокараларига иштирок этишни қабул қилган номига Сурия мухолифати вакиллари Асадни ҳокимиятдан четлатиш борасида қарори қатъий эканлигини яна бир бор таъкидлади. Сурия музокаралари олий қўмитасининг матбуот котиби Салим Муслат “Ҳокимиятда Башар Асадга бирор рол берилишини ҳеч қачон қабул қилмаймиз. Қароримиз қатъий, бундан воз кечмаймиз”, дея таъкидлади.

Аммо Салим Муслат режим ўз ўрнида қолиб, фақат бир шахснинг ўзгариши ҳеч нарсани ҳал қилмаслиги ҳақида гапирмади.