Садир Жапаров қамоққа олинди
Жогорку Кенешнинг собиқ депутати Садир Жапаров бир неча йил хорижда яшаганидан сўнг 25 март куни Қирғизистонга қайтаётган вақти қирғиз-қозоқ чегарасида Миллий хавфсизлик давлат қўмитаси ходимлари томонидан қўлга олинди.
МХДҚ берган хабарга кўра, унга қарши жиноят кодексининг 227- моддаси (гаровга олиш), 113-моддаси (ўлдириш билан таҳдид қилиш), 341-модда (ҳукумат вакилига нисбатан куч қўллаш) ва 234- (безорилик) моддалари асосида жиноят иши қўзғатилган.
“2013 йилнинг 7 октябр куни Қоракўл шаҳрида бўлиб ўтган митинг вақтида норозилик акцияси иштирокчилари ҳукуматнинг Иссиқкўл вилояти бўйича собиқ вакили Эмилбек Каптагаевни вилоят давлат маъмурияти биноси олдида тўхтаб турган автомашинага куч билан солиб, гаровга олишган. Тергов давомида гувоҳлар берган маълумотга кўра, Садир Жапаров митингни уюштириб, телефон орқали келишилган режа амалга ошмагунча Каптагаевни ушлаб туришга буйруқ берган”,- дейилади МХДҚ тарқатган хабарда.
Ўз навбатида, Садир Жапаровнинг тарафдорлари уни озод қилинишини талаб қилиб МХДҚ биноси олдида норозилик намойиши ўтказишди. Хабарларга кўра, норозилик намойишида 500-600га яқин одам иштирок этишган.
Намойиш вақтида норозилик акцияси иштирокчилари ва милиция ўртасида тўқнашув келиб чиққан. Милиция намойишчиларни тарқатиш учун махсус воситалардан фойдаланган.
ИИВ тарқатган хабарга кўра, норозилик намойишининг 68 иштирокчиси қўлга олиниб, Биринчи май туман милиция бўлимига олиб келинган.
Бишкек шаҳар ИИБ бошлиғи Самат Курманкулов берган маълумотга кўра, қўлга олинганларга нисбатан Жиноят кодексининг “безорилик”, “милиция ходимига қўл кўтариш”, “мулкка зиён етказиш” моддалари бўйича жиноят иши қўзғатилган. Уларга нисбатан эҳтиёт чораси терговдан сўнг маълум бўлади.
Туркистон:
Қирғизистонда яна сиёсий кескинлик кучайиб боряпти. Мазкур системанинг сиёсий лидерлари ўртасидаги бу қарама-қаршиликлар аввал икки маротаба бўлиб ўтган давлат ағдаришларидан деярли фарқ қилмайди. Чунки аввалги халқ қўзғалонлари ҳам, энди кутилаётгани ҳам, системани ўзгартиришга қаратилган эмас. Инқилобий қўзғалонлар эса, мавжуд бошқарув системасини иккинчи бошқа мафкурага асосланган бошқарув системага ўзгартириш мақсадида олиб борилади. Демак, Қирғизистонда юз бераётган навбатдаги тўпалонлар фақат бир илмоний система ичидаги бир неча етакчи гуруҳлар ўртасида юз бераётган ҳокимият талашишдан ўзга нарса эмас.
Ислом ва мусулмонлар манфаатидан келиб чиқиб қарайдиган бўлсак, бу тўпалонларни бизга ҳеч қандай алоқаси йўқ. Халқ манфаати томондан қараганимизда ҳам, халқ учун биринчи ва иккинчи давлат ағдарилиши сингари энди кутилаётганининг ҳам ҳеч қандай фойдаси бўлмайди. Ҳар гал давлат ағдарилишидан аввал, мухолиф бўлиб олган етакчи гуруҳ вакиллари бир қанча халқ манфаатларини рўёбга чиқариб беришни ваъда қилишади. Лекин тахтга ўтириб олишгач, илгаригиларидан деярли фарқ қилишмайди.
Ислом ва мусулмонларга нисбатан муносабатлари ҳам деярли ўзгармайди. Чунки, Қирғизистон дунё сиёсати ва системасининг кучли таъсири остидаги мамлакатлар сафида туради. Етакчи давлатлар Қирғизистонга босим ўтказиб, энг манфаатли тармоқларини ва табиий бойликларини ўзлаштириб олишган. Масалан Улар – “Қумтор”, “Қирғизгаз”, “Дастан” “Жер уй” ва шулар каби далат манфаатларини айнан шу етакчи гуруҳ вакиллари воситасида ўзлаштириб олишган.
Шунинг учун биз Исломий, Иймоний муҳит вакиллари, Исломий манфаатларга бегона бўлган бу тўпалонларда иштирок этмаймиз. Содир бўлаётган жараёнларга нисбатан эса, – бу жараён биз ва биз жавобгар бўлган мусулмон фуқоролар устида бораётгани учун – аҳолининг туб манфаатларини белгилаб, сиёсий жараёнларда иштирок этиб боришга мажбурмиз. Лекин бу сиёсий ҳаракатларимиз Исломий шаръий манфаатларимиз ва унинг чегараларидан ташқарига чиқиб кетмаслигини қаттиқ назорат қилиб борамиз. Инша Аллоҳ юзага келаётган ҳар бир жараён Ислом ва мусулмонлар учун манфаатли бўлади. Бунинг учун ҳар бир сиёсий ҳаракатимизни Исломий Ақида асосида олиб боришимиз керак.
