Эмомали Раҳмон: Олим ва зиёиларнинг меҳнат маҳсули қониқарли эмас!
Тожикистон президенти Эмомали Раҳмон 20 март куни «Наврўз қасри»да зиё аҳли билан йиллик мулоқот ўтказди. Унга кўра, олимлар, шоиру ёзувчилар, санъат ва маданият ходимларининг меҳнат маҳсули айни пайтдаги кун талабига мутлақо жавоб бермайди. Эмомали Раҳмонинг билдиришича, Тожикистон аграр давлатдан аграр-саноат давлати босқичига ўтиш жараёнини ўзининг стратегик мақсади қилиб белгилади. Шундай экан, бу йўлда илм аҳлининг роли бениҳоят муҳим ҳисобланади.
«Фақат илм ва амал ўртасидаги уйғунлик ва мустаҳкам барпо бўлган робита, ишлаб чиқаришга ўзининг ижобий таъсирини кўрсатади. Бунинг учун олимларнинг ихтиролари ва назариялари амалда татбиқ қилиниши лозим. Олимларимиз айни пайтдаги улкан муаммоларни чуқур ўрганиб чиқиб, кашфиёту ихтироларини шу муаммонинг ечимига қаратишлари мақсадга мувофиқ бўлади», деди Тожикистон президенти.
«Олимлар ўз илмий ишларида асосан давлат хавфсизлигини таъминлаш, миллий манфаатларни ҳимоя қилиш ва жамиятни жаҳонда содир бўлаётган хавф хатарлардан огоҳ қилишликка эътибор қаратишлари лозим. Шу жумладан терроризм таҳдиди ҳам назардан четда қолмаслиги айни муддаодир», дея қўшимча қилди Эмомали Раҳмон олимларга қилган мурожаатида.
Шу билан бир қаторда Тожик ҳукумати раиси театр ва кино фаъолиятини танқид остига олиб, уларнинг асарларига “зерикарли” деб баҳо берди.
«Тамошобинда завқ шавқ ўйғотишга туртки бўладиган бирор жиҳат йуқлиги боис мухлислар сони тобора камайиб бормоқда. Гарчи сўнгги беш йилда 172 саҳна асари намойиш этилган бўлсада, ҳанузгача улардан биортаси замонавий томошобин томонидан қониқарли дея эътироф этилмаган», дея эслатиб ўтди ҳукумат бошчиси.
Раҳмон жаноблари тожик театрининг инқироздан чиқиш йўлини қуйидагича ифодалади; “театр ходимлари шундай асарларни яратишлар лозимки, асарларда осуда ҳаёт акс эттирилсин ва уларни томоша қилган мухлиснинг ҳаётга қизиқиши ортсин, қалби яшаш қувончига лиммо-лим тўлсин”.
Эмомали Раҳмон тожик киносига нисбатан ҳам ўз муносабатини билдириб, “Тожик киносида асосий мавзу ватанпарварлик, миллатпарварлик ва тарих бўлмоғи зарурийдир. Зеро ўзлигимизни танишликда кино асарларининг роли беқиёсдир”, деди.
Тожик президенти ёзувчилар ва маориф аҳлига ҳам мурожаат қилиб маслаҳатлар берди. Унга кўра ёзувчи ва шоирлар ҳамда маориф арбоблари ўз асарларида озодлик, мустақиллик каби ютуқлар хусусида кўпроқ ижодлар қилишлари ва Эмомали Раҳмоннинг “Сув ўн йиллиги” ташаббусига тарғибот ишларини олиб боришлари лозим. То ки уларни мутолаа қилган ёш авлод зеҳнида миллатдўстлик ва ватанпарварлик ҳисси чуқур томир отсин.
Эмомали Раҳмоннинг сўзларини тинглаган инсон унинг ушбу ер сайёрасидан эканлигидан шубҳа қилади. Баъзан чиройли сўзлари билан одамларга гўзал келажакни ваъда бераётиб, тарихдаги Ленинни эслатади. Золимлиги билан эса диктатор Сталинни ёдимизга солади. Эмомали Раҳмон билан сўҳбат қурган инсон ўзини гўё саодатли заминда ҳис этади, аммо воқеаликга қайтгач гўё рўёдан ҳақиқатга тушиб колгандек сезади ўзини.
Тожикистоннинг барча муаммоларини қаламга тушириб, у ҳақида юзлаб кинофилмлар тасвирга олинсада, камлик қилади. Мустақиллик деб номланган маъшум ҳаёт тарзи тожик биродарларимиз бошига узлуксиз машаққатларни келтирди. 90 йиллардаги фуқаролик урушидан сўнг мамлакатни қамраб олган ишсизлик, очарчилик, дарбадарлик ҳақида эшитмаган инсон бўлмаса керак. Айниқса сўнгги йилларда бу золим диктатор режими дастидан минглаган инсонлар ўз юртини ташлаб хорижга чиқиб кетишга, меҳнат муҳожирларига айланишга мажбур бўлдилар.
Энди бу диктатор, хоин ҳукумат бошчиси гўё бу нарсалардан бехабардек, одамларга порлоқ келажакни ваъда қилмоқда ва ўзича машаққатдан чиқиш йўлини маслаҳат бермоқда.
Тожикистонни тенг ярим ерини Хитой инвесторлари босиб олган. Бу ҳам етмаганидек, тожик қиз – жувонларига уйланишиб, фарзанд кўпайтириб, томир отиб яшашмоқда. Эмомали Раҳмоннинг эса парвойи фалакда.
Ҳар йили 200 га яқин меҳнат муҳожирларининг жонсиз таналари хорижий ўлкалардан 212 сандиғи билан ютга қайтади. Бирор ҳукумат раҳбари ақалли бир оғиз марҳумларнинг аҳли оиласига ҳамдардлик билдирмайди.
Инсонларни ватандўстлик, миллатчилик руҳида тарбиялашга қаттиқ киришган ҳукуматнинг ўзи бу йулда одамгарчиликни унутиб қўйишди. Ҳаёсизлик, даюслик мамлакатни қамраб олган. Ҳукуматнинг янги қонунларидан бири бунга мисол бўла олади. Янги буйруқга кўра, жорий йилнинг 1 мартидан 1 апрелигача барча ўқув масканлари, олийгоҳлар талаба қизлари миллий либос – адрасу атлас ва чакан кийимида келишлиги шарт бўлди.
Золим ҳукумат ихлосманд мусулмонларга асосан даъватчиларга аёвсиз кураш олиб бориб, турли айбловлар билан зиндонбанд этди. Бу мамлакатда – бир-икки катта сармоядорлар ва президент аҳли оиласи ва яқинларидан ташқари – бирор осуда умр ўтказаётган, ҳаётидан мамнун оила топилмайди.
Таҳлилчиларнинг фикрига кўра Тожикистонни яқин келажакда оғир кунлар, қаттиқ очлик, қашшоқлик кутмоқда. Модомики бузуқ система инсонлар устида ҳукмрон бўлар экан, башарият асло саодатга эришмайди.
Биз бир Умматмиз ва дардимиз ҳам бир. Аллоҳнинг буюрганидан бошқа нарсада яхшилик- ёруғлик йўқ.
Бизларнинг, сизларнинг ва барчанинг нажоти фақат Халифаликдадир !
Мунаввара
