Конференция бекор қилинди
Инглизларнинг малайи Мустафо Камол Отатуркнинг издошлари бўлмиш жумҳурият халқ партияси (ЖҲП)нинг Турк ҳукуматига қилган босимлари натижа берди. Ҳизб ут-Таҳрир –Туркия вилояти матбуот бўлими тарафидан 5 март куни ўтказилиши эълон қилинган “Дунё нега Халифаликка мухтож” номли конференция ЖҲПнинг босими остида Байрампаша ҳокимияти тарафидан бекор қилинди.
Аввал бошда бу конференциянинг ўтказилишига рухсат берган ҳукумат вакиллари, вазирлар ва депутатлар ЖҲПнинг босимлари қаршисида тик тура олмади. Ислом душмани ЖҲПнинг бир қанча кунлардан бери дод солиб, бекор қилиш ҳақидаги қўйган талаблари ҳукумат тарафидан қондирилди. Бунинг ортидан конференция борасида тергов қилиш учун Байрампаша хавфсизлик идорасига чақиртирилган Ҳизб ут-Таҳрир – Туркия вилояти матбуот бўлимининг раиси Маҳмуд Қор ва унинг ҳамроҳи Усмон Юлдуз қамоққа олинди.
Мусулмонлар ва инсониятнинг ҳақиқий манфаати нимадалигини ва дунёнинг нега Халифаликка мухтожлигини инкор қилиб бўлмайдиган далил-исботлар билан очиб берадиган конференция олдидан амалга оширилган бундай қамоққа олишлар демократияни даъво қилаётганларнинг ўзлари “фикр эркинлиги”га тоқат қила олмаслигини кўрсатмоқда.
