“Ҳа” ёки “йўқ” ечим эмас, ҳақиқий ечим Халифаликдир
Исломий ўлкаларнинг бири бўлган Туркияда давлат бошқарув тизимини ҳозирги парламент тизимидан президентлик бошқарув тизимига ўзгартириш ҳақида қизғин ташвиқотлар олиб бориляпти. Мазкур режани қўллаб қувватловчиларнинг овози устун келиб бошқарув тизими ўзгарадиган бўлса, катта ижобий ўзгаришлар бўлишига ваъдалар бериляпти. “Йўқ”, дея қарши чиқувчиларни эса, билмаган ҳолда террорчиларга ён босиб қўйишдан огоҳлантириляпти.
Ҳизб ут-Таҳрир – Туркия вилояти исломий ақидага таянган ҳолда бу икки бошқарув ҳам, яъни парламентлик бошқарув тизими ҳам, президентлик бошқарув тизими ҳам Исломга умуман бегона эканлигини Умматга етказиш учун бор кучини сафламоқда. Яқинда твиттер ижтимоий тармоғига жойлаштирилган “Ҳа ёки йўқ ечим эмас, ҳақиқий ечим Халифаликдир” (#NeHayırNeEvetÇözümHilafet) номли ҳештег кисқа вақт оралиғида оммабоп (популяр) мавзуга айланди. Твиттер рўйхатида узоқ вақт биринчилик мақомини эгаллаб турган бу ҳештег миллион кишига етиб боришга муваффақ бўлди.
Ҳизб ут-Таҳрир – Туркия вилоятининг матбуот бўлими фейсбок ижтимоий тармоғи орқали ушбу мавзуга доир қисқача баёнот тақдим қилди.
“Ҳа ёки йўқ ечим эмас, ҳақиқий ечим Халифаликдир, номли ҳештег орқали демократик илмоний тузумлар ва уларнинг конституциялари мусулмонларни юксалтиришга қодир тўғри ечимларга эга эмаслигини, шу боис мусулмонлар эски ва янги барча куфр тизимларини ва конституцияларни рад қилаётганликларини ва фақат ваҳийга асосланган бир дастурни талаб қилаётганликларини кўрсатиб қўйишга ҳаракат қилдик. Ҳизб ут-Таҳрир ҳар бир жойда, ҳар бир шароитда ва ўзининг ҳар қандай платформасида Исломий бошқарув низоми бўлган Халифаликни ёритиб беришни ва уни барпо қилиш учун ҳаракат олиб боришни мунтазам давом эттираверади”, дейилади қисқача баёнотда.
