Орнок қишлоғи ҳам яхшилик карвонига қўшилди
Иссиқкўл туманининг Орнок қишлоғида халқни ҳамжихатлик, бирдамлик ва иймонга чақириб спиртли ичимликларни сотиш бутунлай тўхтатилди. Бу ишни маҳаллий аҳоли амалга ошириб 3 феврал куни 26555 сомлик спиртли ичимликлар тўкиб ташланди.
Маҳаллий аҳоли томонидан уюштирилган тадбирга Иссиқкўл туманининг Чон-Сари-Ой қишлоқ ҳукумати етакчиси Абдукаликов Улан, Иссиқкўл вилояти қозисининг ўринбосари Чойубек ҳожи ва Иссиқкўл тумани имом ҳатиби Мақсадбек домла иштирок этиб, спиртли ичимликлар сотишни тўхтатган дўкон эгаларига Ташаккурнома ёрлиқларини топширишди.
Йиғилишга Чок-Тал, Орнок, Чон-Сари-Ой, Сари-Ой ва Бает қишлоқларининг имомлари ҳам қатнашди.
Туркистон:
Оламлар Роббиси Аллоҳ Таолога беадад шукрлар бўлсинки, Қирғизистон мусулмонларининг Ислом динига бўлган интилишлари, ҳар бир қилаётган ишларини исломий ҳукмлар асосида бошқаришга эътибор қаратишлари кундан-кунга зиёдалашиб бормоқда.
Бундан аввал Норин вилоятидаги Комсомол қишлоғи, Иссиқкўл вилоятидаги Бирлик қишлоқ ва яна кўплаб қишлоқлар аҳолиси ҳам ўз қишлоқларида спиртли ичимликлар сотилишига барҳам беришган эди. Қишлоқлар аҳлининг ҳалол-ҳаромга амал қилишларида, турмуш тарзиларини Ислом ҳукмлари асосида шакллантиришларида маҳаллий масжид имомлари ва Аллоҳнинг розилиги йўлида яхши яшаш орзусидан воз кечиб, аҳли оиласини Аллоҳга таваккул қилиб ташлаб чиқиб, чекка-чекка қишлоқларга қадар бориб одамларни исломий ҳаёт кечиришга даъват қилаётган даъватчи биродарларимиз ҳам муносиб ҳисса қўшишмоқда.
Инсонларни икки дунё саодатига олиб борувчи дин бу – Ислом динидир. Мусулмонлар Аллоҳнинг буйруқ ва қайтариқлари асосида турмуш тарзларини шакллантириб боришлари га амал қилишлари ва бошқаларни ҳам Ислом дини асосида яшашга чақиришлари орқали жамиятда ўзгариш бошланади. Албатта, биз ўзимизни ўзгартиришни бошлаганимиздан кейингина Аллоҳ Таоло бизларни аҳволимизни ўзгартиради.
Аллоҳ Таоло айтди:
“Аниқки, то бирон қавм ўзларини ўзгартирмагунларича Аллоҳ уларнинг аҳволини ўзгартирмас” (Раъд: 11).
