Абдулазиз қори домланинг оила аъзолари ва талабаларига таъзия
Аллоҳ таоло “Анбиё” сурасида:
كُلُّ نَفْسٍ ذَائِقَةُ الْمَوْتِ وَنَبْلُوكُمْ بِالشَّرِّ وَالْخَيْرِ فِتْنَةً وَإِلَيْنَا تُرْجَعُونَ
“Ҳар бир жон ўлимни татиб кўргувчидир. Биз сизларни ёмонлик ва яхшилик ила имтиҳон учун синаймиз ҳамда Бизгагина қайтарилурсиз”, дея марҳамат қилади. (21:35).
Дарҳақиқат, Аллоҳнинг синов дунёсига келган ҳар бир жон бир кун келиб ўлим таъмини тотиб кўриши муқаррар. Кимдир ўзи учун белгиланган муддат (ажал) етиб келгунга қадар ўз имкониятини ўткинчи дунё матоҳларини қўлга киритиш учун сарфласа, яна кимдир бу муддатдан фойдаланиб ўзидан илм, садақаи жория, яхши ном ва солиҳ фарзандлар ва талабалар қолдиришга интилиш орқали Охирати учун заҳира тўплаш ғамида ўтказади. Қирғизистон жанубида истиқомат қилиб келган машҳур шайх Абдулазиз қори домла ана шундай инсонлардан бири эди.
Ҳаётларининг аксар қисмини Ислом ва мусулмонларнинг хизмати учун бағишлаган уламолардан бири Абдулазиз қори домла ўзининг ортидан жуда кўп, сон саноқсиз шогирдлар ва мураттаб қориларни қолдириб кетди. У киши рамазон ойларида аксар масжидларга хатми Қуръон ўтказиш учун қори йигитларни юборар эдилар. Айтамиз десак, Абдулазиз қори домланинг кўпдан-кўп фазилатлари мавжуд. Аммо биз Аллоҳнинг олдида ҳеч кимни оқламоқчми эмасмиз. Бироқ, Роббимиз рози бўладиган
إِنَّا لِلّهِ وَإِنَّا إِلَيْهِ رَاجِعونَ
«Албатта биз Аллоҳнинг (бандаларимиз) ва албатта биз у зотга қайтгувчилармиз» демоқдан ўзга чорамиз йўқ.
Шу ўринда биз, Қодир Аллоҳдан Абдулазиз қори домлани Ўз раҳматига олишини, жаннат кенгликларида пайғамбарлар, сиддиқлар ва шаҳидлар билан бир сафда қилишини сўраб қоламиз. Абдулазиз қори домланинг оила аъзоларига ва у кишига яқин бўлган барча дўстларига ҳамда барча шогирдларига чуқур таъзиямизни билдирамиз. Аллоҳ сизларга сабру жамил ато этсин. Аллоҳ сизларни чиройли сабр килишлик ортидан яхшиликлар билан мукофотласин.
