Одамларни тўнаб юрган милиция “ходимлари” қўлга олинди
“teznews.kg” хабарига кўра, ўзларини милиция ходимлари сифатида таништириб халқни тўнаб юрган фуқаролар қўлга олинган. Бу ҳақда шаҳар милицияси маълум қилган.
Маълумотда айтилишича, Бишкек шаҳрида яшовчи фуқаро милицияга ариза билан мурожаат қилган. У ўз аризасида, 25 январ куни соат 22:30лар чамасида ўзларини милиция ходимлари деб таништирган 3 киши минг сом пули ва уйининг калитини олиб кетишганини айтган.
Қўлга олиш бўйича ўтказилган махсус рейд давомида 23 ёшдаги Т.Б ва 22 ёшдаги А.У қўлга олинган.
Қадамжойда даъватчилар қўлга олинди
“Turmush” нашрининг хабарига кўра, 27-январ куни Қадамжой туманининг Кок-Талаа қишлоғидаги масжидда даъват ишларини олиб борган Яқин Инкор жамоатининг 10 нафар аъзоси қўлга олинди. Бу ҳақда Қадамжой тумани ИИБнинг 10-бўлими маълум қилган.
Маълумотга кўра, улар даъват ишларини олиб боришда муфтиёт ва ИИВ ходимларидан тегишли ҳужжатлар ва рухсат олишмагани аниқланган. Қўлга олинган 10 киши Талас, Норин ва Жалолобод вилоятидан келишган. Улар 4 ойга даъватга чиқишгани аниқланган.
Эксперт ва милиция ходимлари текширувлардан, сўнг ишни судга ўтказиб беришган. Қўлга олинган 10 киши суднинг ҳукмидан сўнг Қадамжой тумани ҳудудидан чиқариб юборилади.
Туркистон:
Қизиғи шундаки, юқоридаги каззоб, тўновчи, ҳатто қароқчи, коррупционер, ўғри ва фоҳишаларнинг ҳомийлари бўлган орган ходимлари Оллоҳга таваккул қилиб, оилаларини ташлаб қўйиб, Оллоҳ йўлида, фақат савоб умидида билганларича яхшиликка чақириб келаётган даъватчиларни қўлга олишяпти. Бу қандай тескари жамият бўлди?!
Куни кеча, юк ташувчи самолёт фуқороларимиз устига қулаб, аянчли фожеа юз бериб турган вақтда ҳам, атроф милиция ходимлари билан ўраб олиниб, орган ходимлари тозалаш ишларини олиб боришганлиги телекўрсатувлар орқали намойиш этилди. Лекин гувоҳларнинг сўзларига кўра, милиция ходимлари фожеадан жабр кўрган одамларга эътибор қаратган эмас, балки уларнинг ғами минтақани қимматбаҳо телефонлардан тозалаб олиш бўлган.
Шу каби нопок ходимларга даъватчиларни ташлаб бердикми?!
