Остона учрашувидан қуйидаги натижаларни хулоса қилиш мумкин
Москва учрашувидан сўнг амалга оширилган Остона учрашуви Асад режимининг қонунийлиги яна ҳам мустаҳкамлади. Туркия, Россия ва Эрон тарафидан берилган сўнги қўшма баёнотда “террорга (Исломга) қарши кураш”, “Илмоний Сурия”, “Сурия режими билан мухолифат ўртасида ишончни кучайтириш” ва “Женева учрашувига иштирок этиш” масалаларига урғу берилди.
Остона учрашувидан сўнг Туркия, Россия ва Эрон тарафидан берилган қўшма баёнотдан хусусан қуйидаги натижаларни хулоса қилиш мумкин.
1 – Туркия, Россия ва Эрон давлатлари Сурия мухолифатининг ИШИД ва Фатҳуш-Шом (Собиқ исми Жабҳатун Нусра) билан алоқаларни узиши ва бу гуруҳларга қарши курашини ёзма равишда жорий қилинган баёноти билан тасдиқлаб олди.
2 – Кейинги учрашув Феврал ойида Женевада ўтказилиши эълон қилинди.
3 – Олти йил ичида ҳар қандай ваҳшийликдан тап тортмаган Асад режими, Эрон Ҳизби (Ҳизбуллоҳ), Эрондан келган бошқа ёлланма гуруҳлар ва ПЙДга (демократик бирлик партиясига) қарши кураш ҳақида Остона учрашувида битта сўз ҳам айтилмаслиги бу учрашувнинг асл хўжайини – гарчи номи зикр қилинмаган бўлса ҳам – АҚШ эканлигини кўрсатиб турибди.
4 – Туркиянинг бу борада ноқулайлик ҳис қилмаслигидан кўриниб турибдики, бу ерда устувор масала мухолифатни иккига бўлиб, бир бирига қарши уриштириш ва Сурия инқилобига барҳам бериб, Асадни ўз ўрнида қолдиришдир.
5 – Ҳалабдан сўнг бутун Сурияни ваҳший Асад режимининг қўлига топшириш учун тузган режалари мазкур қўшма баёнот билан расмийлаштирилди.
6 – Бундан буён мухолиф гуруҳлар ўртасида бўлиниш ва музокарага иштирок этмаганларни сотқин деб эълон қилиб, уларни йўқ қилишга ҳаракат қилиш босқичига ўтилади.
7 – Музокарада иштирок этган гуруҳлар мустамлакачилар буюртмалари билан иштирок этмаганларни қандай қатл қилганлигига ва биродаркушлик жангларига гувоҳ бўламиз.
8 – Иззатли ва шарафли Сурия халқи Остонада қотил режим рўпарасида ўтириб, улар билан битим тузган гуруҳлардан албатта бу хиёнатлари учун ҳисоб беришларини талаб қилади.
9 – Москва келишувидан сўнг ташкил қилинган Остона учрашуви Асад режимининг қонунийлигини яна ҳам кучайтирди. Асад режими бундан сўнг ишонч ва хавфсизлик мазасини тотади, ҳатто душманлари, яъни Остонада иштирок этган мухолиф гуруҳлар Асаднинг ҳимоячисига айланади.
