Лавров: Сурияга кирмаганимизда Ассад режими уч ҳафтада қулар эди
Россия Ташқи ишлар вазири Сергей Лавров анъанавий йиллик матбуот анжуманида журналистларнинг саволларига жавоб берди. Лавровнинг таъкидлашича, Россия Сурияга кириб тўғри қилган. Чунки Лавровга кўра, Россия кучлари Сурияга кирган пайтда Асад режими икки ёки уч ҳафта арафасида қулаб, ҳукумат мухолифлар қўлига ўтиб кетиши кутилаётган бўлган.
Аслида Асад режимини фақат Россия эмас, балки у билан бирга Туркия, Эрон ва бошқа минтақа давлатлари биргаликда қутқариб қолди. Бу иш Америка назорати остида амалга оширилди. Россия президенти Владимир Путин “Асад режими биздан кўра Америкага яқин”, дея ўз оғзи билан айтган эди.
Сурияда инқилоб бошланган кундан буён Сурия халқи бошидан кечирмаган қатлиом, фитна, тилбириктирув ва хиёнат қолмади. Сурия масаласини яқиндан кузатган кишига сир эмаски, Сурияда мусулмонлар фақат Асад режимига қарши курашмади, балки АҚШ бошчилигидаги бутун куфр олами ҳамда АҚШга малай бўлган Исломий ўлка ҳукуматларига қарши курашди.
Америка минтақадаги барча давлатларга вазифаларини белгилаб берди. Қайсидир бири жанг майдонига кирган бўлса, бошқа бири ташқаридан ёрдам берди. Асад режимининг жуда тезлик билан қулаш сари кетаётганлигини кўрган Америка Асаднинг алтернативини ясашга киришди. Аммо бу борада муваффақият қозона олмади. Сўнгра Эрон ҳизбини ишга солди. Эрон ҳам фойда бермагач, Россиядан Сурияга киришни талаб қилди. Бироқ Россия кечаю-кундуз бомбалаб ҳам, Сурия халқини тиз чўктира олмади. Шундан сўнг АҚШ Туркияни ишга солди. Ва ниҳоят Туркия “Фурот қалқони” амалиёти баҳонасида Ҳалабни ҳимоя қилиб турган кучларни тортиб кетиши туфайли АҚШ Асадни ўз курсисида сақлаб қолишга муваффақ бўлди.
Бу ерда икки иттифоқдош Россия-Туркия давлатларининг баёнотлари бир бирига зид келмоқда. Туркия президенти “Биз Сурия режимини қулатиш учун Сурияга кирдик” деса, Россия президенти “Биз кирмаганимизда Сурия режими икки-уч ҳафтада қулар эди”, демоқда. Буни қандай тушиниш мумкин? Бири режимни қулатиш ҳақида гапирса, иккинчиси ушлаб қолиш ҳақида гапирмоқда. Шундай экан, агар ўртада тилбириктирув бўлмаса, бу икки давлат қандай бир-бири билан келиша олиши мумкин?!
Ҳа, Туркиянинг хиёнати Асаднинг жонига оро кирди. Эрдуғон бу хиёнатни турли найранглар билан яширишга уринган бўлса-да, бироқ Путин буни ошкор қилиб қўйди. Россия президенти Ҳалаб шарқидан қуролли мухолифатни бошқа тарафга жалб қилиш Туркия президенти билан эришилган келишув бўйича амалга ошганини маълум қилди.
“Ҳалабда айнан биз келишиб олган ишлар бўлди. Булар ҳақида Туркия президенти Санк Петрбургга сафар қилганда у билан келишиб олган эдик”, деди Путин Ҳалаб хусусида берган баёнотида.
